އެމެރިކާގެ ނައިބު ރައީސް އަދި ރިޔާސީ ކެންޑިޑޭޓް ކަމަލާ ހެރިސްގެ ރަނިންމޭޓަކަށް މިނެސޯޓާގެ ގަވަރނަރު ޓިމް ވޯލްޒް އައްޔަން ކޮށްފިއެވެ.
އެމެރިކާގެ 2024 ވަނައަހަރުގެ ރިޔާސީ އިންތިޚާބުގައި ނައިބު ރައީސް ކަމަލާ ހެރިން ވާދަކުރައްވާއިރު، އޭނާގެ ނައިބަކަށް އައްޔަނުކުރި 60 އަހަރުގެ ވޯލްޒް އަކީ ޕްރޮގްރެސިވް އެޖެންޑާއަކަށް މަސައްކަތްކުރާ އަދި ފަހަކަށް އައިސް ޓްރަމްޕްގެ އެޖެންޑާ އަކީ "ވިއަރޑް" އެއްޗެއްކަމަށް ބުނުމުން ވައިރަލްވި ބޭފުޅެކެވެ.
ވޯލްޒް ވަނީ މިނެސޯޓާގެ ރުރަލް ޑިސްޓްރިކްޓެއް ތަމްސީލުކުރެއްވުމުގައި 12 އަހަރު ކޮންގްރެސްގައި ހޭދަކުރައްވާފައެވެ. އަދި ކިޔަވައިދެއްވުމާއި އާމީ ނޭޝަނަލް ގާޑުގައި މަސައްކަތް ކުރެއްވުމުގެ ތަޖުރިބާވެސް ލިބިވަޑައިގެންފައިވެއެވެ. ވޯލްޒް ހޮވުމުގެ ބޭނުމަކީ ރުރަލް އަދި ބެޓަލްގްރައުންޑް ސަރަހައްދުތަކުގައި ހެރިސް އަށް ލިބިދާނެ ނުރަނގަޅު ނަތީޖާއެއް ރަނގަޅުކުރުންކަމަށް ރިޕޯޓްތައް ބުނެއެވެ.
ގަވަރނަރެއްގެ ގޮތުގައި ވޯލްޒް ވަނީ އެބޯޝަން ރައިޓްސް، މެރިޖުއާނާ ހުއްދަކުރުން އަދި ހިލޭ ސްކޫލް ކެއުން ފަދަ މުހިންމު ޕްރޮގްރެސިވް ޤާނޫނުތައް ފާސްކުރައްވާފައެވެ. ނަމަވެސް 2020 ގައި ޖޯޖް ފްލޮއިޑްގެ މަރާ ގުޅިގެން ހިނގި އަމަންއަމާންކަން ގެއްލުމުގެ ހާދިސާތައް ބެލެހެއްޓެވި ގޮތާމެދު ފާޑުކިޔުންތަކާ އޭނާއަށް ކުރިމަތިލާންޖެހުނެވެ.
ކަމަލާގެ ރަނިންމޭޓަކަށް ވޯލްޒް އައްޔަން ކުރުމާއެކު، ޓްރަމްޕްގެ ކެމްޕޭނު ޓީމުން ވަނީ ވަގުތުން ވޯލްޒް އަކީ "ރެޑިކަލް ލެފްޓިސްޓެއް" އަދި "ވެސްޓް ކޯސްޓް ވޯނާބީއެއް" ކަމަށް ލޭބަލްކޮށްފައެވެ. ނަމަވެސް ވޯލްޒްގެ ތާއީދުކުރާ ފަރާތްތަކުން ބުނަނީ އޭނާގެ ޕްރެގްމެޓިކް އެޕްރޯޗާއި ފުޅާ ދާއިރާއެއްގައި މީހުންނަށް ގަބޫލުކުރެވޭ ގޮތް ހެރިސްގެ ޓިކެޓަށް ވަރަށް މުހިންމު ކަމަށެވެ.
އެހެން ވާދަވެރިންކަމުގައިވާ ޖޯޝް ޝަޕީރޯ އަދި މާކް ކެލީ ފަދަ ބޭފުޅުން ދޫކޮށްލައްވާފައި ވޯލްޒް ރަނިންމޭޓަކަށް ހަމަޖެއްސީ މިޑްވެސްޓަރން ވޯޓަރުންގެ ތާއީދު ހޯދުމުގެސްޓްރެޓެޖީގެ ދަށުން ކަމަށް ބެލެވެއެވެ. އެގޮތުން ވޯލްޒް ހޮވުމުން ރުރަލް އެމެރިކާ އަދި ބެޓަލްގްރައުންޑް ސްޓޭޓްތަކުގައި ހެރިސް އަށް ލިބިދާނެ ތާއީދާ މެދު އުފެދިފައިވާ ކަންބޮޑުވުންތަކަށް ޙައްލެއް ލިބިދާނެ ކަމަށް ބެލެވެއެވެ.
ވޯލްޒް އިންތިޚާބުވެއްޖެނަމަ، އޭނާގެ މަޤާމު ދޫކޮށްލުމާ ގުޅިގެން ލެފްޓިނަންޓް ގަވަރނަރު ޕެގީ ފްލެނަގަން އަކީ ޤައުމުގެ ފުރަތަމަ އަންހެން ނޭޓިވް އެމެރިކަން ގަވަރނަރު އަކަށް ވެގެންދާނެއެވެ.
Advertisement
This content is created and paid for by advertisers and does not involve Voice Journalists
