ރަސްމީ ދަތުރުފުޅެއްގައި އިންޑިއާގެ އެކްސްޓަރނަލް އެފެއާޒް މިނިސްޓަރު ޑރ. ސުބްރަމާނިއަމް ޖަޔަޝަންކަރު ރާއްޖެ ވަޑައިގެންފިއެވެ.
ޖަޔަޝަންކަރު ރާއްޖެ ވަޑައިގަތުމުން ވެލާނާ އިންޓަރނޭޝަނަލް އެއާޕޯޓުން އެމަނިކުފާނަށް މަރުހަބާ ދެންނެވީ ރާއްޖޭގެ ހާރިޖީ ވަޒީރު މޫސާ ޒަމީރެވެ. ޖަޔަޝަންކަރުގެ މި ދަތުރުފުޅަކީ މިނިސްޓަރު މޫސާ ޒަމީރުގެ ދައުވަތަކަށް ކުރައްވާ ދަތުރުފުޅެކެވެ.
އަވައްޓެރި އިންޑިއާގެ އެކްސްޓަރނަލްގެ މި ދަތުރުފުޅުގައި ދިވެހި ހާރިޖީ ވުޒާރާއާއެކު ރަސްމީ ވާހަކަތައް ބޭއްވުމަށްވަނީ ހަމަޖެހިފައެވެ.
ޖަޔަޝަންކަރުގެ މި ދަތުރުފުޅުގައި އެޤައުމުގެ އެގްޒިމް ބޭންކުގެ ލައިން އޮފް ކްރެޑިޓްގެ ދަށުން ހިންގި މަޝްރޫޢުތަކުގެ ނިމުން ފާހަގަކުރުމުގެ އިތުރުން އެކި ދާއިރާތަކުން އެހީތައް ދިނުމުގެ އެކިއެކި ސޮއިކުރެއްވުމަށްވެސް ވަނީ ހަމަޖެހިފައެވެ.
ރާއްޖެއަށް ކުރެއްވި ރަސްމީދަތުރުފުޅު ނިންމަވާލެއްވުމަށްފަހު ޖަޔަޝަންކަރު އެނބުރި އިންޑިއާއަށް ވަޑައިގަތުމަށް ހަމަޖެހިފައިވަނީ މިމަހުގެ 11 ވަނަދުވަހުއެވެ.
Advertisement
This content is created and paid for by advertisers and does not involve Voice Journalists
