ރައީސުލްޖުމްހޫރިއްޔާ ޑރ. މުހައްމަދު މުއިއްޒު، މާލޭ ސިޓީ ކައުންސިލާ މިއަދު ބައްދަލުކުރައްވަން ނިންމަވައިފިއެވެ.
ރައީސް ޑރ.މުއިއްޒު މާލެސިޓީ ކައުންސިލާ ބައްދަލުކުރެއްވުމަށް ތާވަލްކޮށްފައިވަނީ މިއަދު 11:00 ގައި މާލޭ ސިޓީ ކައުންސިލް އިދާރާގައެވެ.
މިއީ ރާއްޖޭގެ އެހެން ކައުންސިލްތަކާވެސް ބައްދަލުކުރައްވައި، އެ ކައުންސިލްތަކުގެ އަޑު އައްސަވާ ފަދައިން މާލޭ ސިޓީ ކައުންސިލްގެ އަޑު އެއްސެވުމަށްޓަކައި ރައީސް ކުރައްވާ ޒިޔާރަތެކެވެ.
ރައީސް މުއިއްޒު މީގެ ކުރިން ވަނީ ކައުންސިލް ތަކާ ބައްދަލު ކުރެއްވުމަށް އަތޮޅުތަކަށް ވެސް ވަޑައިގަންނަވާފައެވެ. މި ދަތުރުފުޅުގައު ރައީސް ވަނީ އެމަނުކުފާނު ވަޑައިގަންނަވާ ރަށަކާ އެންމެ ކައިރީގައި ހުރި ރަށްތަކުގެ ކައުންސިލަރުން ގެންނަވާ އެ ކައުންސިލްތަކާ ބައްދަލުކުރައްވާފައެވެ. މި ބައްދަލުކުރެއްވުންތަކުގައި ކައުންސިލްތަކުން އެ ރަށްރަށަށް ބޭނުންވާ ކަންކަން ރައީސަށް ހުށަހަޅުއްވައެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު، މާލޭ ސިޓީ ކައުންސިލާ މިއަދު ބައްދަލުކުރައްވާއިރު، އެމަނިކުފާނު ވަނީ މީގެކުރިން މާލޭގެ މޭޔަރުކަމުގެ މަގާމުވެސް ފުރުއްވާފައެވެ.
Advertisement
This content is created and paid for by advertisers and does not involve Voice Journalists
