އިނގިރޭސި ވިލާތުގައި ނަސްލީ ތަފާތުކުރުމާ ދެކޮޅަށް ކުރިއަށްދާ މުޒާހިރާތައް އިތުރަށް ވަރުގަދަވެ، މިހާތަނަށް 770 މީހުން ހައްޔަރުކޮށްފައިވާކަމަށް އެ ޤައުމުގެ ފުލުހުން ހާމަކޮށްފިއެވެ. އަދި ހައްޔަރުކުރެވުނު މީހުންގެ ތެރެއިން 349 މީހުންގެ މައްޗަށް ދަޢުވާކުރުމަށް ފޮނުވާފައިވާކަމަށްވެސް ފުލުހުން ބުނެފައިވެއެވެ.
އިއްޔެއަކީ މުޒާހިރާތައް އެންމެ ވަރުގަދަވި ދުވަސްކަމަށް އިނގިރޭސި ވިލާތުގެ ނޫސްތަކުން ރިޕޯޓުކޮށްފައިވެއެވެ. އިއްޔެގެ މުޒާހިރާގައި ބައިވެރިން ފުލުހުންނާ ދިމާލަށް ޕެޓްރޯލް ބޮން އުކާފައިވާކަމަށާއި، މުޒާހިރާ ކޮންޓްރޯލްކުރުމަށް ފުލުހުން ބާރުގެ ބޭނުންކޮށްފައިވާކަމަށްވެސް މަޢުލޫމާތު ލިބިފައިވެއެވެ.
މުޒާހިރާތައް އިނގިރޭސި ވިލާތުގެ ހުރިހާ ސިޓީތަކަށް ފެތުރިފައިވާތީ، މުޅި ޤައުމުގެ މަގުތަކަށް ފުލުހުން ނެރެފައިވާކަމަށް ވަނީ ރިޕޯޓުކޮށްފައެވެ. މި ހާލަތާ ގުޅިގެން، އިނގިރޭސި ވިލާތުގެ އައު ބޮޑުވަޒީރު މި ހަފުތާގައި ނަންގަވަން ހަމަޖެހިފައިވާ ޗުއްޓީވެސް ކެންސަލްކުރައްވާފައިވާކަމަށް މީޑިއާތަކުން ވަނީ ހާމަކޮށްފައެވެ.
މި މުޒާހިރާތަކަކީ ނަސްލީ ތަފާތުކުރުމާ ދެކޮޅަށް އިނގިރޭސި ވިލާތުގެ ރައްޔިތުން ނިކުމެ ކުރަމުންގެންދާ އިހުތިޖާޖުތަކެކެވެ. މުޒާހިރާތައް ދުވަހެއް ދުވަހަކަށް ވަރުގަދަވަމުން ދާކަން ފާހަގަކުރެވެއެވެ.
Advertisement
This content is created and paid for by advertisers and does not involve Voice Journalists
