ބަނގްލާދޭޝްގައި ފުލުހުން ކުރަމުންދިޔަ ހަޅުތާލު ހުއްޓާލައިފިކަން އެގައުމުގެ ފުލުހުންގެ ފަރާތުން އިއުލާންކޮށްފިއެވެ.
މީޑިއާ ރިޕޯޓުތަކުގައިވާ ގޮތުން، އިންސްޕެކްޓަރ ޒާހިދުލް އިސްލާމް އަދި ކޮންސްޓަބަލް ޝުއައިބު ހަސަން، ހަޅުތާލު ހުއްޓާލިކަން އިއުލާނު ކުރީ އާދީއްތަ ދުވަހު ހޯމް މިނިސްޓްރީގައި ބޭއްވުނު ބައްދަލުވުމަކަށް ފަހުގައެވެ.
ސަރުކާރަށް ހުށަހެޅި ގިނަ މައްސަލަތަކަށް ހައްލު ލިބޭނެކަމުގެ ޔަގީންކަން ދީފައިވާ ކަމަށާއި، އެންމެން އަނބުރާ ވަޒީފާއަށް ނުކުންނާނެ ކަމަށް އުންމީދުކުރާ ކަމަށް އެމީހުން ބުނެފައިވެއެވެ.
ބަންގްލަދޭޝް ޕޮލިސް ސަބޯޑިނޭޓް އެމްޕްލޯއީސް އެސޯސިއޭޝަނުން މި ހުއްޓުވާލުން އިއުލާނުކުރީ އޯގަސްޓް 6 ވަނަ ދުވަހު، ޤައުމުގެ އެކި ކަންކޮޅުތަކުގައި ދަރިވަރުންނާއި ފުލުހުންނާ ދެމެދު ހިނގި ހަމަނުޖެހުމަކަށް ފަހުގައެވެ.
ހޯމް މިނިސްޓްރީގައި ބޭއްވުނު ބައްދަލުވުމުގެ ރިޔާސަތު ބެލެހެއްޓެވީ ހޯމް އެފެއާޒް އެޑްވައިޒަރ ބްރިގޭޑިއަރ ޖެނެރަލް (ރިޓަޔަރޑް) އެމް. ސަޚާވަތް ހުސައިނެވެ. އަދި މި ބައްދަލުވުމުގައި އިންސްޕެކްޓަރ ޖެނެރަލް އޮފް ޕޮލިސް (އައިޖީޕީ)، ޑައިރެކްޓަރ ޖެނެރަލް އޮފް ރެބް އަދި އެހެނިހެން އިސް ވެރިން ބައިވެރިވެ ވަޑައިގެންނެވިއެވެ.
ފަހަކަށް އައިސް، ދަރިވަރުންގެ އިހުތިޖާޖުތަކުގައި ގިނަ އަދަދެއްގެ ފުލުހުން މަރުވެ އަނިޔާވެފައިވެއެވެ.
ފުލުހުންގެ މަރުކަޒުތަކަށް ހަމަލާދިން ފަރާތްތަކަށް އިންސާފު ހޯދައިދިނުމުގެ އިތުރުން، މަރުވި އޮފިސަރުންގެ އާއިލާތަކަށް އެއްފަހަރާ ބަދަލު ދިނުމާއި، ސަބް-އިންސްޕެކްޓަރުންނާއި ސާޖަންޓުން ވަޒީފާއަށް ނެގުމުގައި ހާމަކަން ބޮޑުކުރުމާއި، ޕޮލިސް ހެޑްކުއާޓަރސްގެ ދަށުން ކޮންސްޓަބަލުން ވަޒީފާއަށް ނެގުމުގައި 100 އިންސައްތަ ހާމަކަން ބޮޑުކުރުމަށް ހަޅުތާލުގައި ބައިވެރިވި އޮފިސަރުން ވަނީ ގޮވާލާފައެވެ.
Advertisement
This content is created and paid for by advertisers and does not involve Voice Journalists
