ބަންގްލަދޭޝްގެ ބޮޑު ވަޒީރު ޝެއިޚް ހަސީނާގެ ގޭގައި ގެންގުޅުއްވި ބުޅާވެސް ، ގަނޑުވަރަށް ވަދެގަތް މީހުން ވަގަށް ނަގައި ބޮޑުއަގުގައި ވިއްކާލާފައިފިއެވެ.
ބަންގްލަދޭޝްގައި ހިންގަމުން ދިޔަ ހަމަނުޖެހުން ތަކުގެ ސަބަބުން އޮގަސްޓް މަހުގެ ފަސް ވަނަ ދުވަހު ޝެއިޚް ހަސީނާ ގައުމުން ފިއްލަވައިގެން ދިޔަތާ މާގިނައިރެއްނުވަނިސް މުޒާހަރާގެ ބައިވެރިން އެކަމަނާގެ ގަނޑުވަރުކޮޅު ގަނަބަބާން، އަށް ވަދެ ސޫޓްކޭސްތަކާއި، ހެދުންތަކާއި، ގޮނޑިތަކާއި، މަހާއި އެތައް ޖަނަވާރުތަކެއް ހިމެނޭ ގޮތަށް ފެނުނު އެއްޗެއް ފޭރިގަނެ ލޫޓުވާފައެވެ.
ކޯޓާއާ ދެކޮޅަށް ހަފުތާތަކެއް ވަންދެން ކުރިއަށް ގެންދިޔަ ނުރައްކާތެރި މުޒާހަރާތައް ނިމުމަކަށް ގެނައުމަށް ފަހު ބޮޑުވަޒީރުދިރިއުޅުއްވާ ގެކޮޅާއި ބަންގްލަދޭޝްގެ ޕާލަމެންޓަށް މުޒާހަރާގެ ބައިވެރިން ވަދެ، ނަގާފައިވާ ވީޑިއޯތަކުން މީގެ ކުރިން ނުފެންނަ މަންޒަރުތަކެއް ވަނީ ފެނިފަ އެވެ.
ބަންގްލަދޭޝްގެ އެނިމަލް ވެލްފެއާ ފައުންޑޭޝަނެއް ކަމަށްވާ އޮބޯޔަރޮންނޯ ސޯޝަލް މީޑިއާގައި ބުނެފައި ވަނީ ޝެއިޚް ހަސީނާގެ ގެކޮޅުން ލޫޓުވި ބުޅާ ވިއްކާލީ 40،000 ބަންގްލަދޭޝް ޓަކާއަށް ކަމަށެވެ.
ނަމަވެސް ފަހުން ބަންގްލަދޭޝްގެ ސްޕެޝަލް ސެކިއުރިޓީ ފޯސް އިން ވަނީ އެ ތަކެތި ހޯދައިފަ އެވެ. ހަސީނާގެ ލޯބިވާ ޖަރުމަނު ޝެފަޑާއި އެ ބުޅާވެސް އެނބުރި ގަނަބަބަން އަށް ގޮސްފައިވާ ކަމަށް ރިޕޯޓްތައް ބުނެ އެވެ.
އަދި މީގެ އިތުރުންކުރި ސޯޝަލް މީޑިއާގައި ދައުރުވަމުންދާ ވީޑިއޯއަކުން ފެންނަގޮތުގައި ބޮޑުވަޒީރުދިރިއުޅުއްވާ ގެކޮޅުން ބަޔަކު ކުއްތާއެއް ގޮވައިގެން ދާ މަންޒަރުވެސް ފެނެއެވެ. އަދި ބަކަރި އާއި އެފަދަ ވަގަށް ނަގާފައިވާ އެހެން ޖަނަވާރުތައް ހޯދުމުގެ މަސައްކަތް ކުރަމުން އަންނަ ކަމަށް ވެސް އެ ރިޕޯޓްތައް ފާހަގަކުރި އެވެ.
Advertisement
This content is created and paid for by advertisers and does not involve Voice Journalists
