ގްރީސްގެ އެތެންސްގެ ސަރަހައްދެއްގައި އަލިފާން ރޯވެ އެތައް ސަތޭކަ ބަޔަކު އެސަރަހައްދުން ނެރެން ޖެހިއްޖެއެވެ.
އާދީއްތަ ދުވަހުގެ ރޭ އެތެންސް ކައިރީގައި ހިނގި ނުރައްކާތެރި އަލިފާނުގެ ހާދިސާއާއެކު އަލިފާން ނިއްވާ ސިފައިން އަލިފާންނިއްވަން މަސައްކަތްކުރަމުން ދިޔައިރު، ވެރިރަށުގެ ބައެއް ސަރަހައްދުތަކުގައި ދުމުގެ އަސަރު ވަނީ ގަދަވެފަ އެވެ.
ފަޔަރ ބްރިގޭޑްގެ ތަރުޖަމާނު ވަސިލިސް ވަތުރަކޮގިއާނިސް ނޫސްވެރިންނަށް މައުލޫމާތު ދެއްވަމުން ވިދާޅުވީ، ފާއިތުވި 24 ގަޑިއިރުގެ ތެރޭގައި ހިނގި 40 އަލިފާނުގެ ހާދިސާގެ ތެރެއިން 33 އަލިފާނުގެ ހާދިސާއާ ގުޅިގެން އާދީއްތަ ދުވަހުގެ މެންދުރުގެ ވަގުތާ ހަމައަށް އަލިފާން ނިއްވާ ފަރާތްތަކުން އަވަސް ފިޔަވަޅުތަކެއް އަޅާފައިވާ ކަމަށެވެ.
އެސިވިލް ޕްރޮޓެކްޝަން މިނިސްޓަރު މީގެ އެއް ދުވަސް ކުރިން އިންޒާރު ދެއްވާފައި ވަނީ ހޫނުމިން މަތިވުމާއި ވައި ގަދަވުމާއި ހިރަފުހުގެ ސަބަބުން ގްރީސްގެ ދެބައިކުޅަ އެއްބައިގައި އަލިފާނުގެ ހާދިސާތައް ހިނގައިދާނެ ކަމުގެ ހައި ރިސްކް ގައި އޮތް ކަމަށެވެ.
އެގޮތުން އަންނަ ހަފުތާގައި މޫސުން އިތުރަށް ގޯސްވާނެ ކަމުގެ އިންޒާރު ތަޖުރިބާކާރުންދެއްވައިފައިވެއެވެ.
Advertisement
This content is created and paid for by advertisers and does not involve Voice Journalists
