ރާއްޖެއަށް މިހާރު ކުރަމުންދާ ވިއްސާރައިގައި ފެންބޮޑުވެ، ވައިގަދަވެގެން ނުވަ ރަށަކުން ރިޕޯޓު ކޮށްފައިވާ ކަމަށް ނޭޝަނަލް ޑިޒާސްޓާ މެނޭޖްމެންޓް އޮތޯރިޓީ (އެންޑީއެމްއޭ)އިން ބުނެފިއެވެ.

އެކްސްގައި އެންޑީއެމްއޭއިން ކޮށްފައިވާ ޕޯސްޓެއްގައި ބުނެފައިވަނީ ރާއްޖެއަށް މިހާރު ކުރަމުން މިދާ ވިއްސާރައިގައި ރަށްރަށަށް ލިބެމުންދާ ގެއްލުންތައް ކައިރިން ބަލަމުން ގެންދާ ކަމަށެވެ.

އަދި މީގެ އިތުރުން އެއްވެސް ރަށަކުން އެއްވެސް އާއިލާއެއް ވަގުތީ ހިޔާވަހި ކަމަށް ބަދަލު ކުރަންޖެހޭ ފަދަ ހާލަތެއް މެދުވެރިވެފައިނުވާ ކަމަށް އެންޑީއެމްއޭއިން ބުނެފައިވެއެވެ.

ސ. މަރަދޫ

ސ. ފޭދޫ

ސ. ހިތަދޫ

ގއ. ދެއްވަދޫ

ޅ. ނައިފަރު

ޅ. ކުރެންދޫ

ކުޅުދުއްފުށި ސިޓީ

ހއ. ބާރަށް

ހއ. ދިއްދޫ

މިއަދުވެސް މޫސުން ގޯސްވާނެ ކަމަށް ލަފާކޮށް މެޓް އޮފީބުން ވަނީ 7:00 އިން 13:00 އުތުރުގެ އަތޮޅުތަކަށްވަނީ ރީނދޫ ސަމާލުނެރެފައެވެ. މިވަގުތުތަކުގައި ގުގުރުމާ އެކު ވިއްސާރަކުރާނެ ކަމަށް މެޓް އޮފީހުންވަނީ ބުނެފައެވެ

އަދި މޫސުން ގޯސް ވަގުތުތަކުގައި ވިލާގަނޑުގައި ގަޑިއަކު 25 އާއި 30 މޭލާ ދެމެދުގެ ބާރުމިނެއްގައި ވައިޖެހޭނެ ކަމަށް އެ އިދާރާއިން ލަފާކުރާއިރު ކަނޑުތައްވެސް ގަދަވާނެ ކަމަށް ލަފާކޮށްފައިވެ އެވެ. 

އަދި ކ.އަތޮޅުން ފެށިގެން އައްޑޫ ސިޓީއަށް ވަނީ މިއަދު 6:30 އިން 12:30 ހުދުސަމާލު ނެރެފައެވެ.

އަދި މޫސުން ގޯސް ވަގުތުތަކުގައި ވިލާގަނޑުގައި ގަޑިއަކު 19 އާއި 25 މޭލާ ދެމެދުގެ ބާރުމިނެއްގައި ވައިޖެހޭނެ ކަމަށް އެ އިދާރާއިން ލަފާކުރާއިރު ކަނޑުތައްވެސް ގަދަވާނެ ކަމަށް ލަފާކޮށްފައިވެ އެވެ.