ރާއްޖެއަށް މިހާރު ކުރަމުންދާ ގަދަ ވިއްސާރައިގެ ސަބަބުން މާދަމާއަކީ ސަރުކާރު ބަންދު ދުވަހެއްގެ ގޮތުގައި ރައީސުލްޖުމުހޫރިއްޔާ ހަމަޖެއްސެވުމާއި ގުޅިގެން މާދަމާ ހުރިހާ ސްކޫލްތައް ބަންދުކުރަން ނިންމަވައިފިއެވެ. 

އެޑިޔުކޭޝަން މިނިސްޓްރީން ނެރުނު ރާއްޖެއަށް މިހާރު ކުރަމުންދާ ވިއްސާރައާ ގުޅިގެން، މާދަމާ (14 އޮގަސްޓް ވާ ބުދަ ދުވަހަކީ) ސަރުކާރު ބަންދު ދުވަހެއްކަމުގައި ރައީސުލްޖުމްހޫރިއްޔާ ހަމަޖައްސަވައިފިއެވެ. ވީމާ މާދަމާއަކީ ސްކޫލުތައް ބަންދު ދުވަހެކެވެ.

އޭނާ ވިދާޅުވިގޮތުގައި މިނިސްޓްރީން މިހާތަނަށް ނިންމާފައިވަނީ ހަމައެކަނި މާދަމާއަށް ސްކޫލުތައް ބަންދުކުރުމަށެވެ. އަދި ވިއްސާރައިގެ ސަބަބުން އެހެން އަތޮޅުތަކުގެ ހާލަތާ ބެހޭ މަޢުލޫމާތު މިނިސްޓްރީން އެއްކުރަމުންދާ ކަމަށްވެސް އޭނާ ވިދާޅުވިއެވެ.

Advertisement

މާލެ ސަރަހައްދަށް ބޯކޮށް ވާރޭވެހެމުންދާތީ، ދަރިވަރުންނާއި މުވައްޒަފުންގެ ރައްކާތެރިކަމަށް ރިޢާޔަތްކޮށް މި ނިންމުން ނިންމާފައިވާކަމަށް ބެލެވެއެވެ. އިތުރު މަޢުލޫމާތު ލިބުމުން އާންމުކުރާނެ ކަމަށް މިނިސްޓްރީން މަޢުލޫމާތު ދީފައިވެއެވެ.

މީގެ އިތުރުން ވިއްސާރައިގެ ސަބަބުން މާދަމާއަކީ ސަރުކާރު ބަންދު ދުވަހެއްގެ ގޮތުގައިވެސް ސަރުކާރުން މިވަނީ މިހާރު ހަމަޖައްސަވާފައެވެ. 

ރައީސް އޮފީހުގެ ތަރުޖަމާން ހީނާ ވަލީދު ކުރެއްވި ޓްވީޓެއްގައި ވިދާޅުވެފައިވަނީ، މާދަމާ (14 އޮގަސްޓް ވާ ބުދަ ދުވަސް) އަކީ ސަރުކާރު ބަންދު ދުވަހެއްގެ ގޮތުގައި ރައީސް ހަމަޖައްސަވާފައިވާ ކަމަށެވެ.