ރާައްޖެއަށް މިހާރު ކުރަމުންދާ ހުޅަނގު މޫސުމުގެ ވިއްސާރައާއި ގުޅިގެން އުތުރާއި މެދު ރާއްޖެތެރެއަށް އަދިވެސް މޫސުން ގޯސްވާނެ ކަމަށް ލަފާކޮށް ރީނދޫ ސަމާލުގެ މުއްދަތު އިތުރު ކޮށްފިއެވެ.
މެޓް އޮފީހުން ރީނދޫ ސަމާލު ނެރެފައުވަނީ، ހއ އަތޮޅުން ފެށިގެން އދ އަތޮޅާއި ހަމައަށެވެ. މި ސަރަހައްދުތަކަށް ސަމާލު ނެރުނީ މިއަދު 10:00 އިން ފެށިގެން މެންދުރު 14:00 އާއި ހަމައަށެވެ.
މެޓް އޮފީހުން ބުނީ، އެވަގުތުގައި ގަޑިއަކު 25 މޭލާއި 30 މޭލާއި ދެމެދަށް ވައިޖެހި، ވިލާގަނޑުގައި ގަޑިއަކު 50 މޭލަށް ވައިގަދަވާނެކަމަށާއި، ކަނޑުތައް ވަރަށް ގަދަވާނެ ކަމަށެވެ.
ރާއްޖެއަށް މިހާރު ކުރަމުންދާ ވިއްސާރާގައި ވާރޭ ވެހި ގިނަ ރަށްތަކުގައި ވަނީ ފެންބޮޑުވެ ގެތަކަށް ފެންވަދެ އެކިވަރުގެ ގެއްލުންތައް ވެފައެވެ.
ޚާއްސަކޮށް ވެރިރަށް މާލޭގައި ފެންބޮޑުވުމުގެ ސަބަބުން 200 އަށްވުރެ ގިނަ ގެއަކަށް އެހީވެފައިވާ ކަމަށް އެމްއެމްޑީއެފުން މައުލޫމާތު ދެއެވެ.
މޫސުން ގޯސްވެ ކަނޑު ގަދަވެފައިވާތީ ދަތުރުފަތުރުކުރާ ފަރާތްތަކުން މޫސުމަށް ސަމާލުވުމަށް ކަމާބެހޭ އިދާރާތަކުން އިލްތިމާސްކުރެއެވެ.
Advertisement
This content is created and paid for by advertisers and does not involve Voice Journalists
