މާލެސިޓީ ގެއެއްގެ މަތިން ވެއްޓުނު މީހާ މަރުވެއްޖެއެވެ.

މިހާދިސާ ހިނގާފައިވަނީ ބުދަ ދުވަހުގެ އިރުއޮއްސުނު ވަގުތު މޯލްޑިވްސް ޕޯޓްސް ލިމިޓެޑް (އެމްޕީއެލް) ކައިރީގައެވެ.

ފުލުހުން ބުނީ މާލޭގައި ގެއެއްގެ މަތިން ވެއްޓި މީހާކު ނިޔާވި ހާދިސާ އެ ޚިދުމަތުން ތަހުގީގު ކުރަމުންދާ ކަމަށެވެ.

Advertisement

ފުލުހުން ބުނީ އެ މީހާ މަރުވުމުން އާއިލާއަށް ލިބިފައިވާ ހިތާމައިގެ މި ދަނޑިވަޅުގައި، އާއިލާގެ އިހުސާސްތަކަށް އިހުތިރާމުކޮށް، މަރުވި މީހާގެ ފޮޓޯ އާއި ހާދިސާގެ މަންޒަރުތައް މީސްމީޑިއާގެ ވަސީލަތްތަކަގައި ދައުރު ނުކުރުމަށް އެދޭ ކަމަށެވެ.

ވޮއިސްއަށް މައުލޫމާތު ހިއްސާކުރަމުން އެވަގުތު އެތަނުގައި ހުރި މީހަކު ބުނީ، މީހަކު ވެއްޓިފައިވަނީ އެމްޕީއެލް ކުރިމަތީ ހުންނަ މ.ހަސޯވާ އިމާރާތުންކަމަށެވެ. ވެއްޓި ޖެހިފައިވަނީ އެސަރަހައްދުގައި ޕާކު ކޮށްފައި އޮތް ވެހިކަލެއްގެ ތެރެއަށެވެ.

އިމާރާތުގެ މަތިންއެމީހާ ވެއްޓުނުތާ ކުޑައިރުކޮޅެއްގެ ތެރޭގައި ވަނީ އައިޖީއެމްއެޗަށް ގެންގޮސްފައެވެ. އެމީހާ ވެއްޓުނު ތަނުގައި ގިނަ އަދަދެއްގެ ލޭވެސް ހުރިކަމަށް ވޮއިސްއަށް މައުލޫމާތު ދިން މީހާ ބުންޏެވެ. ވީޑިއޯތަކުން ފެންނަ ގޮތުގައި އޭނާ ހޮސްޕިޓަލަށް ގެންގޮސްފައިވަނީ ޕިކަޕަކަށް ލައިގެންނެވެ.