ވަރަށް ހަލުވިމިނެއްގައި ދުނިޔޭގައި އެމްޕޮކްސް ފެތުރެމުންދާތީ ދުނިޔޭގެ ޞިއްޙީ ކުއްލި ނުރައްކަލުގެ ޙާލަތު އިޢުލާނުކޮށްފިއެވެ.
ވޯލްޑް ހެލްތު އޯގަނައިޒޭޝަން (ޑަބްލިޔުއެޗްއޯ) އިން އެމްޕޮކްސް (ކުރިން މަންކީޕޮކްސް ގެ ނަމުން މަޝްހޫރު) ބަލި އަވަސް ދުވެއްޔެއްގައި ފެތުރެމުންދާތީ ދުނިޔޭގެ ޞިއްޙީ ކުއްލި ނުރައްކަލުގެ ޙާލަތު އިޢުލާނުކޮށްފައިވަނީ މިއަދުއެވެ.
ނިއު ޔޯކް ޓައިމްސްގެ ރިޕޯޓެއްގައި ބުނެފައިވާ ގޮތުގައި، މި ބަލި މިހާރު ވަނީ އެފްރިކާގެ 13 ޤައުމެއްގައި ފެތުރިފައެވެ. މީގެ ތެރޭގައި ޑިމޮކްރެޓިކް ރިޕަބްލިކް އޮފް ކޮންގޯ (ޑީއާރުސީ) ވެސް ހިމެނެއެވެ. މި ޤައުމުގައި އެކަނި 14،000 އަށް ވުރެ ގިނަ މީހުންނަށް މި ބަލި ޖެހި، 524 މީހުން މަރުވެފައިވާ ކަމަށް ރިޕޯޓުގައި ބުނެފައިވެއެވެ.
މިއީ ވޭތުވެދިޔަ ތިން އަހަރުގެ ތެރޭގައި އެމްޕޮކްސްގެ ސަބަބުން ދެވަނަ ފަހަރަށް ދުނިޔޭގެ ޞިއްޙީ ކުއްލި ނުރައްކަލުގެ ޙާލަތު އިޢުލާނުކުރި ފަހަރެވެ.
ޑަބްލިޔުއެޗްއޯއިން މި ނިންމުން ނިންމާފައިވަނީ މި ބަލި އިތުރަށް ފެތުރުން ހުއްޓުވުމަށް އަވަސް ފިޔަވަޅުތަކެއް އެޅުމަށް ބާރުއެޅުމުގެ ގޮތުންނެވެ. އަދި މި ބައްޔަށް ރައްކާތެރިވުމަށާއި، ފަރުވާ ދިނުމަށް ބޭނުންވާ ވަސީލަތްތައް ހޯދުމަށް ބައިނަލްއަޤްވާމީ އެހީތެރިކަން ހޯދުމަށް މަގުފަހިކުރުމުގެ ގޮތުންނެވެ.
Advertisement
This content is created and paid for by advertisers and does not involve Voice Journalists
