ސައިނަސް އިންފެކްޝަންގެ ނަމުން ވެސް ނަންދެވިފައިވާ ސައިނަސައިޓިސް އަކީ ސައިނަސްތަކުގެ ތެރޭގައިވާ ޓިޝޫ ދުޅަވުމުން ދިމާވާ ކަމެކެވެ. މި ބަލީގައި ދިގުދެމިގެންދާ ނުވަތަ ސީރިއަސް އަލާމާތްތައް ފެނުމުން އަބަދުވެސް ސިއްހީ ދާއިރާގެ ޕްރޮފެޝަނަލެއްގެ ލަފާ ހޯދުމަކީ ރަނގަޅު ކަމެއް ނަމަވެސް، ސައިނަސައިޓިސްގެ އަލާމާތްތައް ލުއިކޮށްދިނުމަށް އެހީތެރިވެދޭނެ ގޭގައި ކުރެވިދާނެ ބައެއް ފަރުވާތައް އެބަހުއްޓެވެ. އެގޮތުގެ މަތިން ގޭގައި ބޭނުންކުރެވޭ ބައެއް ފަރުވާތައް ތިރީގައި މިވަނީއެވެ.

1. ސްޓީމް އިންހެލޭޝަން

ސްޓީމް އިންހެލޭޝަން އަކީ ނޭފަތުގެ މަގުތައް ހުޅުވި މިޔުކަސް ތޮއްޖެހުން ކުޑަކުރުމަށް އެހީތެރިވެދޭނެ ކަމެކެވެ.

ފެން ކައްކާލުމަށްފަހު ތައްޓަކަށް އަޅާށެވެ. ތަށީގެ މައްޗަށް މޫނަށް އާވިއަރާގޮތަށް ފޭސް ކުރުމަށްފަހު ތުވާލިން ބޯ ނިވާކޮށްލުމަށްފަހު ގާތްގަނޑަކަށް 10-15 މިނެޓް ވަންދެން އާވި އަރުވާލާށެވެ.

2. ސެލައިން ނޭސަލް ސްޕްރޭ

ސެލައިން ނޭސަލް ސްޕްރޭ ކުރުމަކީ މީޔުކަސް ސާފުކޮށްލުމަށް އެހީތެރިވެދޭނެ ކަމެކެވެ.

ބޭސްފިހާރައަކުން ސެލައިން ސްޕްރޭއެއް ގަނެގެން ނުވަތަ އަމިއްލައަށް ހަދައިގެން ވެސް ބޭނުން ކިރެވިދާނެއެވެ. އަމިއްލައަށް ސެލައިން ސޮލިޔުޝަން ހެދުމަށް 1 ސައިސަމުސާ ލޮނު 2 ތަށި ޑިސްޓިލްޑް ފެނާއި އެއްކޮށްލާށެވެ. މި ސޮލިއުޝަން ނޭފަތަށް ސްޕްރޭ ކުރާށެވެ.

3. ހައިޑްރޭޝަން

ރަނގަޅަށް ހައިޑްރޭޓް ވެފައި ހުރުމަކީ މިޔުކަސް ބޭރުކުރަން ފަސޭހަކޮށްދޭ ކަމަކަށްވާއިރު ގިނައިން ފެނާއި، ޕެޕަމިންޓް ސައި، ފަދަ ތަކެތި ބުއިމަކީ އެކަމަށް މުހިންމު ކަމެކެވެ.

4. ހޫނު ކޮމްޕްރެސް

ހޫނު ކޮމްޕްރެސް ކުރުމަކީ ސައިނަސްގެ ސަބަބުން ދިމާވާ ބޮލުގައި ރިއްސުން ފަދަ މައްސަލަތައް ހައްލު ކުރުމަށް އެހީތެރިވެދޭ ކަމެކެވެ.

ސާފު ފޮތިގަނޑެއް ތާފަނާ ފެނަށްލައި ތެންމާލުމަށްފަހު، ފެލާލާށެވެ. ދެން، ނޭފަތާއި ނިތްކުރިމަތީގައި ގާތްގަނޑަކަށް 10-15 މިނެޓް ވަންދެން ޕެޓް ކުރާށެވެ. ނޫނީ ބައްވާލާށެވެ. ދުވާލަކު އެތައް ފަހަރަކު ތަކުރާރު ކުރާށެވެ.

5. މާމުއި އާއި ލުނބޯ

މާމުއިގައި ގުދުރަތީ އެންޓިބެކްޓީރިއަލް ޕްރޮޕަޓީތަކެއް ހުންނައިރު، ލުނބޯގައި ގިނަ އަދަދަކަށް ވިޓަމިން ސީ އެކުލެވިގެންވާއިރު، މިއީ ދިފާއީ ނިޒާމު ވަރުގަދަކޮށްދޭ އެއްޗެކެވެ.

ތާފަނާ ފެން ތައްޓަކަށް މޭޒުމަތީ ސަމުސާ މާމުއި އާއު 1/2 ލުނބޯގެ ޖޫސް އެއްކޮށްލާށެވެ. މި މިކްސްޗަރ ދުވާލަކު ދެފަހަރު ބޯށެވެ.

6. އިނގުރު ސައި

އިނގުރުގައި އެންޓި-އިންފްލެމެޓަރީ ޕްރޮޕަޓީތަކެއް ހުރުމުން ސައިނަސް އިންފްލެމޭޝަން ކުޑަކުރުމަށް އެހީތެރިވެދެ އެވެ.

ތާޒާ އިނގުރު ފެން ފޮދެއްގައި 10 މިނެޓް ވަންދެން ކައްކާށެވެ. ކެކުމުން ތައްޓަކަށް އަޅާލައި އެއަށް މާމުއި ކޮޅެއް އަޅާލާށެވެ. މި ސައި ދުވާލަކު 2-3 ފަހަރު ބޯށެވެ.

7. ކަދުރު

ކަދުރުގައި އެންޓި-އިންފްލެމެޓަރީ އަދި އެންޓިއޮކްސިޑެންޓް ޕްރޮޕަޓީސް އެކުލެވޭ ކަރކިއުމިން އެކުލެވިގެންވެއެވެ.

ހޫނު ކިރު ތައްޓަކަށް ސައިސަމުސާ ކަދުރު ޕައުޑަރ އަޅާފައި ނިދުމުގެ ކުރިން ބޯށެވެ.

8. އަރާމުކުރުން

އެކަށީގެންވާ އަރާމުކުރުމަކީ ހަށިގަނޑު ރަނގަޅުވެ، އިންފެކްޝަންތަކާ ދެކޮޅަށް ހަނގުރާމަ ކުރުމަށް ވަރަށް މުހިންމު ކަމެކެވެ. އެގޮތުން ނިދި ހަމަ ކުރުމާއި، ބޯ އުފުލާލައިގެން ނިދުމަކީ ސައިނަސްތައް ރަނގަޅު ކުރުމަށް އެހީތެރިވެދޭނެ ކަމެކެވެ. އެގޮތުން، އެނދުގެ ބޮލާވީ ފަރާތް ހިއްލާލައިގެން ނިދިދާނެއެވެ. 

މި ގޭގައި ފަރުވާ ދިނުމުން ސައިނަސައިޓިސް އިން ލުއި ލިބޭއިރު، އަލާމާތްތައް ދެމިއޮތްނަމަ ނުވަތަ ގޯސްވެއްޖެނަމަ ސިއްހީ ދާއިރާގެ ޕްރޮފެޝަނަލެއްގެ ލަފާ ހޯދުމަކީ މުހިންމު ކަމެކެވެ. މި ފަރުވާތަކާއި މެޑިކަލް ލަފާ އެއްކޮށްލުމުން ސައިނަސައިޓިސް މެނޭޖްކުރެވިގެންދާނެ އެވެ.