ބުޅާމަސް ބޭނުންކޮށްގެން މާލޭގައި ކާބޯތަކެތީގެ ވިޔަފާރި ފުޅާދާއިރާއެއްގައި ކުރަމުންދިޔަ ކަމަށް ތުހުމަތުކުރެވިގެން އިމިގްރޭޝަނުގެ ބެލުމުގެ ދަށަށް ގެނައި ބިދޭސީ މިހާ ދޫކޮށް ނުލާނެ ކަމުގެ ޔަގީންކަން ކޮންޓްރޯލާ ޖެނެރަލް އޮފް އިމިގްރޭޝަން ޝަމްއާން ވަހީދު ދެއްވައިފިއެވެ.

ޝަމްޢާން އެޔަޤީންކަން ދެއްވީ ސޯޝަލް މީޑިއާގައި މީހަކު ޝަމްޢާންއަށް ޓްގްކޮށް ކުރި ކޮމެންޓަކަށް ޖަވާބު ދެއްވުމުގެ ގޮތުންނެވެ.

ޝަމްޢާން ޖަވާބުދެއްވީ އިމިގްރޭޝަންގެ މުވައްޒަފުންތަކެއް އަރަފާތު އަތުން ލާރި ނެގި ކަމަށް އަރަފާތު ބުނި ކަމަށް ބުނެ މީހަކު ފޭސްބުކްގައި ކުރި ޕޯސްޓަކަށް އެހެންމީހަކު ކޮށްފައިވާ ކޮމެންޓަކަށެވެ.

Advertisement

އެ ކޮމެންޓުގެ ސްކްރީންޝޮޓެއް ހިއްސާކޮށް މީހަކު ވަނީ އެކަމުގެ ކަންބޮޑުވުން ފާޅުކޮށް ޝަމްއާންގެ އަރިހުން އެ މައްސަލަ ބެލުމަށް އެދިފައެވެ. އޭނާ ބުނި ގޮތުގައި އިމިގްރޭޝަންގެ މުވައްޒަފުންތަކަކަށް އަރަފާތު ލާރިދީފައިވާ ނަމަ އެ މުވައްޒަފުން އޭނާ ސަލާމަތް ކުރުމަށް މަސައްކަތް ކުރާނެއެވެ.

އެ ޕޯސްޓަށް ޖަވާބު ދެއްވަމުން ޝަމްއާން ވިދާޅުވީ އެ ތުހުމަތުތަކަކީ ދޮގު ތުހުމަތުތަކެއް ކަމަށާއި، އަރަފާތު ދޫކޮށްނުލާނެ ކަމުގެ ޔަގީންކަން ދެއްވާ ކަމަށެވެ.

އެ މައްސަލައިގައި ހޯދަން އިއުލާންކުރީ ބަންގްލަދޭޝްގެ ރައްޔިތެއް ކަމަށްވާ އަރަފާތު ހޮސެއިންއެވެ. ފަސް ދުވަހުގެ ތެރޭގައި އިމިގްރޭޝަނަށް ހާޒިރުވާން އަންގައި އެ މުއައްސަސާއިން ނޯޓިސް އާންމުކުރީ ރޭގައެވެ. އޭނާ ފިލައިގެން އުޅެނިކޮށް މިއަދު އަތުލައިގެންފައިވަނީ ސިފަ ބަދަލުކުރަން ސެލޫންއަކަށް ގޮސް ހުއްޓައެވެ.

އޭނާ ބުޅާމަސް އަޅައިގެން ކާތަކެތި ހެދި ކަމުގެ ތުހުމަތު ކުރެވިފައިވީނަމަވެސް އެއްވެސް އިދާރާއަކުން އަދި އެކަން ކަށަވަރު ކޮށްދީފައެއް ނުވެއެވެ.