އައިޖީއެމްއެޗު ތެރޭގައި ހުންނަ މިސްކިތުގައި ތިބި އަންހެނުންތަކަކަށް ޖިންސީ ގުނަވަން ދެއްކިކަމުގެ ކުށުގެ ތުހުމަތުގައި އިއްޔެ މީހަކު ބަންދުކޮށްފިއެވެ.
ބަންދު އަމުރުގައިވާ ގޮތުން، އެ މައްސަލާގައި ހައްޔަރުކޮށްފައި ވަނީ މާލެ ސިޓީ އަށް ނިސްބަތްވާ އުމުރުން 30 އަހަރުގެ ފިރިހެނެކެވެ.
އިއްޔެ ކްރިމިނަލް ކޯޓުން އާއްމުކޮށްފައިވާ ކޯޓު އަމުރުގައި ބުނީ އޭނާ އަކީ މި ދިޔަ ޖޫން މަހުގެ ތެރޭގައި މާލޭ ސުކޫލަކަށް ވަދެ ހަމަ އެފަދައިން އަމަލުކޮށްފައިވާ މީހެއް ކަމަށެވެ.
އަދި އޭނާގެ އައިޖީއެމްއެޗް މިސްކިތުގައި ތިބި އަންހެނުން ތަކަކަށް ޖިންސީ ގުނަވަން ދެއްކި ކަމަށް ތުހުމަތުކުރެވޭ މިންވަރުގެ ހެކި ގަރީނާ ފުލުހުން ހުށަހަޅާފައިވާ ކަމަށެވެ.
މީގެ އިތުރުން ކޯޓު އަމުރުގައި ބުނީ، އޭނާ ހައްޔަރުކޮށްފައިވަނީ އިޖުރާއަތާ އެއްގޮތަށް ކަމަށާއި އެއީ ހައްޔަރުކުރުމާއި ބަންދުގެ ރިކޯޑު އޮތް މީހެއް ކަމަށެވެ.
އެ މީހާގެ ބަންދަށް ކްރިމިނަލް ކޯޓުން ވަނީ 15 ދުވަހުގެ މުއްދަތެއް ޖަހާފަ އެވެ.
Advertisement
This content is created and paid for by advertisers and does not involve Voice Journalists
