ޕޯޗުގަލްގެ ފުޓްބޯޅަ ތަރި ކްރިސްޓިއާނޯ ރޮނާލްޑޯ އޭނާގެ އަމިއްލަ ޔޫޓިއުބް ޗެނަލެއް ބުދަ ދުވަހު ލޯންޗް ކުރުމާއެކު، ގަޑިއިރެއްގެ ތެރޭގައި ސަތޭކަ ހާހަށްވުރެ ގިނަ ސަބްސްކްރައިބަރުން ޗެނަލާ ގުޅިއްޖެއެވެ.
ފަސް ފަހަރު ބެލޮން ޑީ އޯރ ކާމިޔާބުކޮށްފައިވާ 39 އަހަރުގެ ރޮނާލްޑޯ މިހާރު ކުޅެމުންދަނީ ސައުދީ އަރަބިއާގެ ކުލަބު އަލް ނަސްރު އަށެވެ.
"އިންތިޒާރު ނިމުނީ. އަހަރެންގެ ޔޫޓިއުބް ޗެނަލް ވަނީ ފެށިފަ! ސިއުއުބްސްކްރައިބްވެ، މި އައު ދަތުރުގައި އަހަރެންނާއެކު ބައިވެރިވޭ،"
ރޮނާލްޑޯ އޭނާގެ ސޯޝަލް މީޑިއާ އެކައުންޓްތަކުގައި ޕޯސްޓްކުރިއެވެ.
ފުރަތަމަ ވީޑިއޯ ޕޯސްޓްކުރިތާ ދެ ގަޑިއިރު ފަހުން، 1.69 މިލިއަން ސަބްސްކްރައިބަރުން ވަނީ ޗެނަލާ ގުޅިފައެވެ.
ރޮނާލްޑޯގެ އެކްސް ޕްލެޓްފޯމުގައި 112.5 މިލިއަން ފޮލޯވަރުން ތިބިއިރު، ފޭސްބުކުގައި 170 މިލިއަން އަދި އިންސްޓަގްރާމްގައި 636 މިލިއަން ފޮލޯވަރުން އެބަތިބިއްބެވެ.
ރިއަލް މެޑްރިޑް އަދި މެންޗެސްޓަރ ޔުނައިޓެޑްގެ ކުރީގެ ކުޅުންތެރިޔާ މިހާރު ތައްޔާރުވަމުންދަނީ ބުރާސްފަތި ދުވަހު އަލް-ރައީދާ ދެކޮޅަށް ކުޅޭ ސައުދީ ޕްރޯ ލީގުގެ ފުރަތަމަ މެޗަށެވެ.
Advertisement
This content is created and paid for by advertisers and does not involve Voice Journalists
