ޔަމަނުގެ ހޫތީ ހަނގުރާމަވެރިން ދިން ހަމަލާއަކާ ގުޅިގެން ރަތް ކަނޑުގައި އޮތް ގްރީސްގެ ތެޔޮ ޓޭންކަރެއްގައި އަލިފާން ރޯވެފައިވާ ކަމަށް އިނގިރޭސިވިލާތުގެ މެރިޓައިމް ޓްރޭޑް އޮޕަރޭޝަންސް އިން ހުކުރު ދުވަހު ބުނެފި އެވެ.

ހޫތީން މި ހަމަލާ ދީފައިވަނީ މި ޓޭންކަރަށް ހަމަލާދިނުމުން ޓޭންކަރުގެ ފަޅުވެރިން ސަލާމަތްކުރިތާ އެއް ދުވަސް ފަހުން ކަމަށްވެސް އިނގިރޭސިވިލާތުގެ މެރިޓައިމް ޓްރޭޑް އޮޕަރޭޝަންސް އިން ވަނީ ބުނެފައެވެ.

ޔަމަނުގެ އެންމެ އާބާދީ ބޮޑު ސަރަހައްދުތައް ކޮންޓްރޯލް ކުރާ އީރާނާ ގުޅިފައިވާ ހޫތީން ބުރާސްފަތި ދުވަހު ބުނީ ސައުނިއަން ތެޔޮ ޓޭންކަރަށް ހަމަލާދިނީ ޣައްޒާގައި ހައަދުފަހަން އަޅާފައިވާ އިސްރާއީލާއި ޣައްޒާ މިނިވަން ކުރުމަށް ޖިހާދުކުތަމުންދާ ހަމާސްއާ ދެމެދު ހިނގަމުންދާ ހަނގުރާމައިގައި ފަލަސްތީނަށް އެހީތެރިވުމުގެ ގޮތުން ކޮމާޝަލް ޝިޕިންއާ ދެކޮޅަށް 10 މަސް ދުވަހުގެ މުއްދަތަށް ކުރިއަށް ގެންދާ ކެމްޕެއިންގެ ތެރެއިން ކަމަށެވެ.

Advertisement

ހޫތީން އެންމެ ފުރަތަމަ ޓޭންކަރަށް ގެއްލުން ދީފައިވަނީ ބުދަ ދުވަހުގައެވެ.

ތަކުރާރުކޮށް ދިން މި ހަމަލާތަކުގެ ސަބަބުން އަލިފާނުގެ ހާދިސާއެއް ހިނގައި އިންޖީނުގެ ބާރު ވަނީ ގެއްލުމުންނެވެ.

އޭގެ ފަހުން ޔޫރަޕްގެ ހަނގުރާމަމަތީ ބޯޓަކުން ވަނީ އޭގެތެރޭގައި ތިބި 25 ފަޅުވެރިން ސަލާމަތްކޮށްފަ އެވެ.

ކަނޑުމަތީގެ ސަލާމަތީ މަސްދަރަކުން ބުރާސްފަތި ދުވަހު ރޮއިޓާސްއަށް މައުލޫމާތު ދިން ގޮތުގައި  މި އުޅަނދު އޮތީ ޔަމަނާއި އެރިޓްރިއާއާ ދެމެދު ބަނދަރުކޮށްފަ އެވެ.

މިދިޔަ ހުކުރު ދުވަހު ޔޫކޭއެމްޓީއޯއިން ނެރުނު ބަޔާނެއްގައި ބުނެފައި ވަނީ އެ ބޯޓުގައި ތިން އަލިފާނުގެ ހާދިސާއެއް ހިނގާފައިވާ ކަމުގެ މައުލޫމާތު ލިބިފައިވާ ކަމަށެވެ.

އޭގެ ފަހުން ހޫތީން ވަނީ ޓޭންކަރުގައި އަލިފާން ރޯކުރާ މަންޒަރު ފެންނަ ވީޑިއޯއެއް ސޯޝަލް މީޑިއާގައި އާންމުކޮށްފަ އެވެ.

ސޯނިއަން އަކީ އެތެންސްގެ ޑެލްޓާ ޓޭންކަރުތަކުން މި މަހު ހޫތީންގެ ހަމަލާދިން ތިން ވަނަ އުޅަނދެވެ.ހޫތީންގެ އަސްކަރިއްޔާގެ ތަރުޖަމާނު ޔަހްޔާ ސާރީ ޓީވީ މެދުވެރިކޮށް ވާހަކަދައްކަމުން  ވިދާޅުވީ އެ ޓޭންކަރަށް ހަމަލާދިނީ ޑެލްޓާ ޓޭންކަރުން ހިފާފައިވާ ފަލަސްތީނުގެ ބަނދަރުތަކަށް ވަނުން މަނާކޮށްފައި އޮތުމުން ކަމަށެވެ.