ފްރެންކްފާޓް (އޮގަސްޓް 25) - ޖަރުމަނުގެ ހުޅަނގުގެ ސިޓީއެއް ކަމަށްވާ ސޮލިންގެންގައި ތޫނު އެއްޗަކުން ހަމަލާދީ ތިން މީހަކު މަރާލައި އަށް މީހަކު ޒަހަމްކޮށްލި މައްސަލާގައި ފުލުހުންގެ ބެލުމުގެ ދަށަށް ގެނެސްފައިވާ މީހާއަކީ އުމުރުން 26 އަހަރުގެ ސީރިއާ ފިރިހެނެއް ކަމަށް އެގައުމުގެ ފުލުހުން ބުނެފިއެވެ.

ޑުސެލްޑޯފް ފުލުހުންނާއި ޕްރޮސެކިއުޓަރުން ގުޅިގެން ނެރުނު ބަޔާނެއްގައި ބުނީ ތުހުމަތު ކުރެވޭ މީހާ އަމިއްލައަށް ކުށަށް އިއުތިރާފުވެފައިވާ ކަމަށެވެ.

މި މީހާއަކީ ހޮނިހިރު ދުވަހު ބަލައި ފާސްކުރި ސޮލިންގެންގައި ރެފިއުޖީން ދިރިއުޅޭ ގެއަކާ ގުޅިފައިވާ މީހެއް ކަމަށް އޮފިޝަލުން ބުނުފައިވެއެވެ.

Advertisement

ސަލާމަތީ ބާރުތަކާ ހަވާލާދީ ޑާ ސްޕީގަލް ވިދާޅުވީ ތުހުމަތު ކުރެވޭ މީހާގެ ފޭރާންތަކުގައި ލޭ ހުރިކަމަށްށެވެ.

ސްޕީގަލް ރިޕޯޓާ ގުޅޭ ގޮތުން ފުލުހުން އަދި ވަކި އެއްޗެއް ބުނެފައެއް ނުވެ އެވެ.

އިސްލާމިކް ސްޓޭޓް (އައިއެސް) އިން ހޮނިހިރު ދުވަހު އެ ޖަމާއަތުގެ ޓެލެގްރާމް އެކައުންޓުގައި ނެރުނު ބަޔާނެއްގައި ބުނެފައި ވަނީ އެ ހަމަލާ ދިން މީހާއަކީ "އިސްލާމިކް ސްޓޭޓްގެ ސިފައިންގެ މީހެއް" ކަމަށެވެ.