ރައީސް ޑރ.މުއިއްޒު ވެސް ބީއެމްއެލް ސީއީއޯއާ ބައްދަލުކުރައްވައި ދަރިވަރުންގެ ހައްގުގައި ވާހަކަދެއްކެވި ކަމަށް އިކޮނޮމިކް މިނިސްޓަރު ސައީދު ވިދާޅުވެއްޖެއެވެ.
މިއަދު ބޭއްވުނު ނޫސްވެރިންގެ ބައްދަލުވުމެއްގައި، އިކޮނޮމިކް މިނިސްޓަރު މުހައްމަދު ސައީދު ވިދާޅުވީ ރައީސް ޑރ. މުހައްމަދު މުއިއްޒު ބޭންކް އޮފް މޯލްޑިވްސް (ބީއެމްއެލް) ގެ ސީއީއޯއާ ބައްދަލުކޮށް، ދަރިވަރުންގެ ހައްގުގައި ވާހަކަދައްކަވާފައިވާ ކަމަށެވެ.
ސައީދު ވިދާޅުވި ގޮތުގައި، ރާއްޖޭގައި މިހާރު ކުރިމަތިވެފައިވާ ޑޮލަރުގެ ދަތިކަމަކީ އެމްޑީޕީ ސަރުކާރުން އާދަޔާ ޚިލާފަށް ފައިސާ ޗާޕްކުރުމުގެ ނަތީޖާއެކެވެ. އަދި ބީއެމްއެލްއަށް ދިމާވެފައިވާ ދަތިތައް ހައްލުކުރުމަށްޓަކައި، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބީއެމްއެލްއާ މަޝްވަރާކުރުމަށް ވަނީ ހަމަޖެހިފައެވެ.
"މި ހާލަތުގައި ދިވެހި ކިޔަވާ ކުދިންނަށް ލިބިދާނެ ގެއްލުމަށް ރިޢާޔަތްކޮށް، ރައީސް ޑރ.މުއިއްޒު ވަނީ ބީއެމްއެލްގެ ސީއީއޯ ކާލް ސްމަޓްކްއާ ބައްދަލުކުރައްވާ، ކާޑު ލިމިޓޭޝަނާ ގުޅިގެން ބޭންކުން ނިންމި ނިންމުން އުވާލުމަށް މަޝްވަރާކުރެއްވި، މީގެ ކުރިންވެސް ސަރުކާރުން ވަނީ މި ނިންމުން މަޑުޖައްސާލުމަށް ބީއެމްއެލްއާ މަޝްވަރާކޮށްފައި"
މިނިސްޓަރ ސައީދު މިއަދު ވިދާޅުވިއެވެ.
އިކޮނޮމިކް މިނިސްޓަރު ސައީދު އިތުރަށް ވިދާޅުވި ގޮތުގައި، ވަކި މޫސުންތަކެއްގައި ބޭންކްތަކަށް ޑޮލަރު ލިބުމުގައި ދަތިތަކެއް ކުރިމަތިވާނެއެވެ. މި ދަތިތަކަށް ހައްލު ހޯދުމަށްޓަކައި، ބޭންކުގެ އެންމެ ބޮޑު ހިއްސާދާރުކަމުގައިވާ ދިވެހި ސަރުކާރުން ވަނީ ހުށަހެޅުންތަކެއް ތައްޔާރުކޮށްފައެވެ.
މި ބައްދަލުވުމުން ފާހަގަކުރެވުނު ގޮތުގައި، ސަރުކާރުން ވަނީ ދަރިވަރުންގެ ތަޢުލީމީ ކަންކަމަށް އިސްކަންދީ، އެ ފަރާތްތަކަށް ދިމާވެދާނެ ދަތިތައް ހައްލުކުރުމަށް މަސައްކަތްތަކެއް ފަށާފައެވެ.
Advertisement
This content is created and paid for by advertisers and does not involve Voice Journalists
