މާލޭގައި އަނެއްކާވެސް އަލިފާނުގެ ހާދިސާއެއް މިރޭ ހިނގައިފިއެވެ. މި ހާދިސާ ހިނގާފައިވަނީ ގ. ސެންޓުގެ ގޯޅިތެރޭގައި ހުރި ގެއެއްގައެވެ.
މޯލްޑިވްސް ނޭޝަނަލް ޑިފެންސް ފޯސް (އެމްއެންޑީއެފް) އިން މަޢުލޫމާތު ދެއްވާފައިވާ ގޮތުގައި، މި ހާދިސާ ރިޕޯޓުކުރެވިފައިވަނީ މިރޭ 8:43 ހާއިރުއެވެ. އެމްއެންޑީއެފްގެ ފަޔަރ އެންޑް ރެސްކިއު ސަރވިސްގެ ފަރާތުން ވަރަށް އަވަހަށް މި ހާދިސާ ހިނގި ސަރަޙައްދަށް ގޮސް، އަލިފާން ނިއްވުމުގެ މަސައްކަތް ކުރިއަށް ގެންދެވިއެވެ.
އެމްއެންޑީއެފްއިން ހާމަކުރެއްވި ގޮތުގައި، މިހާރު ވަނީ އަލިފާން މުޅިން ނިއްވާލެވިފައެވެ. ނަމަވެސް މި ހާދިސާގައި އަލިފާނުގެ ދުމުގެ އަސަރުކޮށް އަނިޔާވި މީހަކަށް ވަނީ އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގައި ފަރުވާ ދޭން ޖެހިފައެވެ.
މި ހާދިސާގައި ގެއަށް ލިބުނު ގެއްލުމުގެ ތަފްސީލު އަދި އެމްއެންޑީއެފްއިން ހާމަކުރައްވާފައެއް ނުވެއެވެ. އަދި މި ހާދިސާ ހިނގި ސަބަބާ ގުޅޭ ގޮތުން ވެސް މި ވަގުތު އިތުރު މަޢުލޫމާތެއް ލިބިފައެއް ނުވެއެވެ.
Advertisement
This content is created and paid for by advertisers and does not involve Voice Journalists
