ވެލާނާ އިންޓަރނޭޝަނަލް އެއަރޕޯޓުން ވައިގެ މަގުން ރާއްޖެ އެތެރެކުރަން އުޅުނު 11.62 ކިލޯގެ މަސްތުވާތަކެތި ކަސްޓަމްސް އިން އަތުލައިގަތްކަމަށް އެ އިދާރާއިން މިއަދު ހާމަކޮށްފިއެވެ.

އެކްސްގައި ކަސްޓަމްސްއިން ކޮށްފައިވާ ޕޯސްޓެއްގައި ވާގޮތުން، އަތުލައިގަނެވުނު މަސްތުވާތަކެތީގެ ޖުމްލަ ބަރުދަނަކީ 11.62 ކިލޯއެވެ. މީގެ ތެރޭގައި ހިމެނެނީ 0.680 ކިލޯގެ ކެތިނޯން، 10.20 ކިލޯގެ ކެނެބިސް އަދި 0.740 ކިލޯގެ ހެރޮއިންހިމެނެއެވެ.

މި މަސްތުވާތަކެތީގެ މަގުމަތީ އަގު 9.86 މިލިއަން ދިވެހި ރުފިޔާއަށް އަރާކަމަށް ކަސްޓަމްސްއިން ބުނެފައިވެއެވެ.

Advertisement

މި މައްސަލައާ ގުޅިގެން އިތުރު ތަފްސީލެއް އަދި ހާމަކޮށްފައެއް ނުވެއެވެ.