ޕްރޮސެކިއުޓާ ޖެނަރަލް (ޕީޖީ) ގެ މަގާމަށް ގާތް ބޭފުޅަކު ގެންނަން ހުށަހަޅުއްވާފައި ނުވާނެ ކަމަށް ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުالله ވިދާޅުވެއްޖެ އެވެ.

ޕްރޮސެކިޔުޓަރ ޖެނެރަލްގެ މަގާމުގައި ހުންނެވި ހުސައިން ޝަމީމް އެ މަގާމުން ވަކި ކުރުމަށް މަޖިލީހުގެ ކޮމިޓީއަށް ހުށަހަޅައި، ކޮމިޓީން އެކަން ފާސްކޮށް، ސަރުކާރުގެ އަގުލަބިއްޔަތު އޮންނަ މަޖިލީހުން ވަނީ އޭނާ އެ މަގާމުން ވަކިކޮށްފައެވެ. 

އެ މަގާމަށް ކުރިމަތި ލުމުގެ ފުރުސަތު މިހާރު ހުޅުވާލާފައިވާއިރު، އަބްދުއްރަޙީމްގެ ދަނބިދަރިކަލުން މަގާމަށް ހަމަޖެއްސުމަށް އެމަނިކުފާނު އެދިލައްވާފައިވާ ކަމުގެ ތުހުމަތު އިދިކޮޅު ފަރާތްތަކުން އަންނަނީ ކުރަމުންނެވެ. އެގޮތުން، ކުރީގެ ރައީސް ޔާމީންވެސް ވަނީ އެފަދަ ތުހުމަތު ތަކެއް ކުރައްވާފައެވެ. އަދި އަބްދުއްރަހީމް އެފަދައިން މަސައްކަތް ކުރަނީ އެމްއެމްޕީއާރްސީ ޚިޔާނާތުގައި އަބްދުއްރަހީމް ބައިވެރިވެވަޑައިގެންފައިވާތީ މައްސަލަ ތަހުގީގުކޮށްފާނެތީ ކަމަށްވެސް  ޔާމީން ތުހުމަތު ކުރެއްވިއެވެ.

Advertisement

އެކަމާއި ގުޅޭގޮތުން، "ސަންގު ޓީވީ" އަށް ރޭ ދެއްވި ޚާއްސަ ބަސްދީގަތުމުގައި ސުވާލުކުރެއްވުން އެމަނިކުފާނު ވަނީ އެކަން ދޮގު ކުރައްވާފައެވެ. 

އަބްދުއްރަހީމް ވިދާޅުވީ ރައީސް ޔާމީން އެފަދައިން ވާހަކަ ދައްކަވަނީ އެމަނިކުފާނާއި ގާތް ބޭފުޅަކު ޕީޖީކަމަށް އައިސްފިނަމަ ރައީސް ޔާމީންގެ މައްސަލަގެ ސްޕީޑް ބާރުކޮށް ކުރިއަށް ހިނގައިދާނެ ކަމުގެ ބިރުހީފުޅުވެގެން ކަމަށެވެ.

އަދި އަބްދުއްރަހީމްގެ އެމްއެމްޕީއާރުސީގެ މައްސަލަ ބަލައިފާނެތީ ޖެހިލުންވެ ވަޑައިނުގަންނަވާ ކަމަށާ އެމައްސަލައިގައި އެމްނިކުފާނުގެ މައްޗަށް އެއްވެސް ކަމެއް ސާބިތު ނުކޮށްދެވޭނެ ކަމަށް 100 ޕަސެންޓް ޔަގީންކަން ދެއްވާ ކަމަށެވެ.

“އަޅުގަނޑަށް ހެޔޮ ޔާމީން ޕީޖީގެ މަގާމަށއ ގެނަޔަށް. މަލީހު އެ މަގާމަށް ގެނަޔަސް. ޖަމީލު ގެނަޔަސް މައްސަލައެއް ނެތް. އަދުކުވެރި އިންސާފުވެރި ޝަރީއަތެއް ހިންގައިފި ނަމަ އެމްއެމްޕީއާރްސީ މައްސަލައެއްނޫން އެހެން މައްސަލައެއްގައުވެސް ސާބިތުކުރެވޭނެ ކުށެއް ކޮށްފައެއް ނޯންނާނެ. ދެން ޕީޖީގެ މަގާމަށް އަޅުގަނޑުގެ ގާތް މީހަކު ގެންނާކަށް މަސައްކަތެއް ނުކުރަން.” އަބްދުއްރަޙީމް ވިދާޅުވިއެވެ.