ރަޝިޔާއާއި ޔޫކްރެއިންގެ އަސްކަރިއްޔާއާ ދެމެދު ހިނގަމުންދާ ހަނގުތާމާގައި ރަޝިޔާގެ ހުޅަނގުގައި ހުންނަ ނިއުކްލިއަރ ޕްލާންޓަށް މިސައިލާއި ޑްރޯން އަދި އާޓިލަރީއިން ޔޫކްރެއިނުން ހަމަލާދީފިނަމަ ނުރައްކާތެރި އެކްސިޑެންޓެއް ހިނގުމުގެ ނުރައްކާ އޮތް ކަމަށް އދ.ގެ ނިއުކްލިއާ ވޮޗްޑޮގްގެ ވެރިޔާ ބުނެފި އެވެ.
އިންޓަނޭޝަނަލް އެޓޮމިކް އެނާޖީ އޭޖެންސީ (އައިއޭއީއޭ)ގެ ޑިރެކްޓާ ޖެނެރަލް ރަފައެލް ގްރޮސީ ވަނީ މިދިޔަ އަންގާރަދުވަހު ރަޝިއާގެ ކުރުޗަޓޯވް އަވަށުގެ ބޭރުގައި ހުންނަ ކުރުސްކް ނިއުކްލިއާ ޕަވާ ޕްލާންޓަށް ޒިޔާރަތް ކުރައްވައިފަ އެވެ.
"ނިއުކްލިއާ އެކްސިޑެންޓެއް ހިނގުމުގެ ނުރައްކާ ނުވަތަ ފުރުސަތު މިތާ ކައިރީގައި ވަނީ އުފެދިފައި،" ނޫސްވެރިންނާ ވާހަކަ ދައްކަވަމުން ގްރޮސީ ވިދާޅުވި އެވެ.
ގްރޯސީ ވިދާޅުވީ 1986 ވަނަ އަހަރު ދުނިޔޭގައި ހިނގި އެންމެ ނުރައްކާތެރި ނިއުކްލިއާ ކާރިސާ ހިނގި ޔޫކްރެއިންގެ ޗޯނޯބައިލް ޕްލާންޓުގައިކަމަށެ.
އަދި ރަޝިޔާގެ މި ނިއުކްލިއަރ ޕްލާންޓަކީވެސް ޔޫކްރެއިންގެ ޗޯނޯބައިލް ޕްލާންޓް ހަދާފައިވާ މޮޑެލްއެއް ކަމަށްވާ އާރްބީއެމްކޭ ވައްތަރުގެ ފެސިލިޓީގައި ޒަމާނީ ނިއުކްލިއާ އިންޖީނުގެތަކަށް ހާއްސަ ކޮންޓެއިންމަންޓް ޑޯމް އާއި ޕްރޮޓެކްޓިވް ސްޓްރަކްޗާ ނެތް ޕްލާންޓެއްކަމަށް އޭނާވަނީ ބުނެފައެެވެ.
އެހެކަމުން، މިބާވަތުގެ ނިއުކްލިއަރ އިންޖީނުގެއެއް، ކޮންޓެކްޓް ޕޮއިންޓަކާ ނުވަތަ އަސްކަރީ ފްރަންޓަކާ އެހާ ކައިރީގައި އޮތުމަކީ، އަޅުގަނޑުމެން ވަރަށް ސީރިއަސްކޮށް ބަލައިގަންނަ ވަރަށް ސީރިއަސް މައަސަލައެއްކަމަށް އަޅުގަނޑުމެން ޤަބޫލުކުރަން
އދ.ގެ ނިއުކްލިއާ ވޮޗްޑޮގްގެ ވެރިޔާ ޖެނެރަލް ރަފައެލް ގްރޮސީ
ރަޝިޔާގެ ރައީސް ވްލަޑިމިއާ ޕޫޓިން ވަނީ މިދިޔަ ހަފުތާގައި ކުރުސްކް ޕްލާންޓަށް ހަމަލާ ދޭން ޔޫކްރެއިން އިން މަސައްކަތް ކުރާ ކަމަށް ތުހުމަތު ކުރައްވާފަ އެވެ. ނަމަވެސް ޔޫކްރޭނުން ފެސިލިޓީއަށް ހަމަލާދިން ކަމަށް ކުރާ ތުހުމަތުތަކަށް އަދި ޖަވާބެއް ދީފައެއް ނުވެއެވެ.
"ޑްރޯންގެ ގެ ސަބަލުން ލިބުނު ގެއްލުމުގެ މައުލޫމާތު އަޅުގަނޑަށް ލިބުނީ. އޭގެ ސަބަބުން ކުރި އަސަރުގެ ނިޝާންތައް އަޅުގަނޑަށް ދެއްކި." ޒިންމާވާން ޖެހޭ ފަރާތެއް ނުބުނެ ގްރޯސީ ވިދާޅުވި އެވެ.
Advertisement
This content is created and paid for by advertisers and does not involve Voice Journalists
