ޔޫކްރެއިން ރަޝިއާއަށް ދިން ޑްރޯން ހަމަލާއެއްގެ ސަބަބުން ރަޝިއާގެ ދެކުނުގެ ސަރަހައްދެއް ކަމަށްވާ ރޮސްޓޯވްގައި ހުރި ތެޔޮ ޑިޕޯއެއްގައި އަލިފާން ރޯވެފައިވާ ކަމަށް އެގައުމުގެ އޮފިޝަލުން ބުނެފި އެވެ.

ބުދަ ދުވަހު ރަޝިޔާގެ ސަރަހައްދީ ގަވަރުނަރު ވަސިލީ ގޯލޫބެވް ވަނީ ރޭގަނޑު ހަމަލާދިންކަން ކަށަވަރުކޮށްދެއްވަމުން ޓެލެގްރާމް މެސެޖެއްގައި ވިދާޅުވީ ރޯސްޓޯވްގެ ކަމެންސްކީ ޑިސްޓްރިކްޓްގެ ޑިޕޯގައި ރޯވި އަލިފާންގަނޑު ނިއްވުމުގެ މަސައްކަތް ފަޔަރ ފައިޓަރުން ކުރަމުން އަންނަ ކަމަށާއި އެއްވެސް މީހަކަށް ގެއްލުމެއް ލިބިފައި ނުވާ ކަމަށްއޭނާވަނީ ބުނެފައެވެ.

ރަޝިއާގެ ދިފާއީ ވުޒާރާއިން މީގެ ކުރިން ބުނެފައިވަނީ އެއާ ޑިފެންސް ޔުނިޓްތަކުން ތެޔޮ ޑިޕޯއަށް ދިން ހަމަލާގެ ގެ މައުލޫމާތު ދީފައި ނުވާކަމަށާއި ރޭގަނޑު އެ ސަރަހައްދުގެ މަތިން ހަތަރު ޑްރޯން ނައްތާލާފައިވާ ކަމަށެވެ. 

ރަޝިއާގެ ސަލާމަތީ ހިދުމަތްތަކުގެ ޓެލެގްރާމް ޗެނަލުން ބުނި ގޮތުގައި ތެޔޮ ޑިޕޯއަށް ދެ ޑްރޯން ވެއްޓި ތިން ޓޭންކެއް ދަނީ އަނދަމުންނެވެ.

ޔޫކްރެއިންއިން ދިން ހަމަލާއަކީ ރަޝިޔާގެ ހަކަތައިގެ އިންފްރާސްޓްރަކްޗާއަށް ދިން ހަމަލާތަކުގެ ބަދަލު ހިފުމުގެ ގޮތުން ރަޝިޔާގެ ތެލާއި ގޭސް ފެސިލިޓީތަކަށް އެންމެ ފަހުން ދިން ހަމަލާއެކަމަށްވެސް މީޑިއާތަކުންވަނީ ބުނެފައެވެ.
ޔޫކްރެއިންގެ ބޯޑަރާ ގާތްގަނޑަކަށް 200 ކިލޯމީޓަރު (125 މޭލު) ދުރުގައި އޮންނަ ތެޔޮރައްކާކުރާ ތަނަށް ދިން ޑްރޯން ހަމަލާއާ ގުޅިގެން އޮގަސްޓް މަހުގެ 18 ވަނަ ދުވަހުން ފެށިގެން ރޮސްޓޮވްގެ ސިޓީއެއް ކަމަށްވާ ޕްރޮލެޓާސްކްގައި ހުންނަ ތެޔޮ ރައްކާކުރާ ފެސިލިޓީއެއްގައި ބޮޑު އަލިފާނުގެ ހާދިސާއެއް ދަނީ ހިނގަމުންދާކަމަށްވެސްވަނީ ބުނެފައެވެ.