ބަންގްލަދޭޝަށް ފާއިތުވި 28 ދުވަސްތެރޭގައި 2 ބިލިއަނަށް ވުރެގިނަ ޑޮލަރުގެ ރެމިޓެންސް ލިބިފައިވާ ކަމަށް އެގައުމުގެ މަރުކަޒީބޭންކުން ބުނެފިއެވެ. 

ބަންގްލަދޭޝްގެ ބޭރުގައި ދިރިއުޅޭ އެގައުމުގެ ރައްޔިތުން ފޮނުވާ ފައިސާ (ރެމިޓެންސް) އިތުރުވާން ފަށާފައިވާކަމަށް ބަންގްލަދޭޝްގެ މަރުކަޒީ ބޭންކުން ބުނެފައިވާއިރު، މިހިނގާ އޯގަސްޓް މަހުގެ 28 ދުވަހުގެ ތެރޭގައި ބޭރުގައި ދިރިއުޅޭ ބަންގްލަދޭޝްގެ ރައްޔިތުން ވަނީ 2.07 ބިލިއަން ޑޮލަރު ރެމިޓެންސްގެ ގޮތުގައި، ރަސްމީ ޗެނަލްތައް މެދުވެރިކޮށް އެގައުމަށް ފޮނުވާފައި ކަމަށް މަރުކަޒީ ބޭންކުން ވަނީ ބުނެފައެވެ.

ބަންގްލަދޭޝްގެ މަރުކަޒީ ބޭންކުން ބުނެފައިވާގޮތުގައި 2023 ވަނަ އަހަރުގެ އޯގަސްޓް މަހުގެ މި މުއްދަތުގައި ރެމިޓެންސްގެ ގޮތުގައި ލިބިފައިވަނީ 1.43 ބިލިއަން ޑޮލަރެވެ. މިއީ މިދިޔަ އަހަރާ އަޅާބަލާއިރު ފާހަގަކޮށްލެވޭ ކުރިއެރުމެކެވެ.

Advertisement

ނަމަވެސް، 2024 ވަނަ އަހަރުގެ ޖުލައި މަހު ބަންގްލަދޭޝަށް ލިބުނު ރެމިޓެންސްގެ މިންވަރު ވަނީ ފާއިތުވި 10 މަސްދުވަހުގެ ތެރެއިން އެންމެ ދަށް މިންވަރަށް ގޮސްފައެވެ. މި ދަށްވުމަކީ މައިގަނޑު ގޮތެއްގައި އެ ޤައުމުގައި ހިނގި ދަރިވަރުންގެ އިހުތިޖާޖުތަކާ ގުޅިގެން އައި ދައްވުމެއް ކަމަށް އެބޭނުންކުވަނީ ލަފާކޮށްފައެވެ.

މި ހަރަކާތްތަކާ ގުޅިގެން ޖުލައި 19 އިން 23 އަށް ބޭންކުތައް ބަންދުކުރެވުނެވެ. އަދި 5 ދުވަހުގެ މުއްދަތަކަށް ބްރޯޑްބޭންޑް އިންޓަނެޓް ކަނޑާލެވި، 10 ދުވަހުގެ މުއްދަތަކަށް މޮބައިލް އިންޓަނެޓް ވެސް ކަނޑާލެވުނެވެ.

ބޭރު ފައިސާގެ ޚަޒާނާ އިތުރުކުރުމަށްޓަކައި ބަންގްލަދޭޝްގެ މަރުކަޒީ ބޭންކުން ވަނީ އެކި ފިޔަވަޅުތައް އަޅަން ފަށާފައެވެ. މި ފިޔަވަޅުތަކުގެ ސަބަބުން ފާއިތުވި މަދު މަސްތަކެއްގެ ތެރޭގައި ރެމިޓެންސްގެ މިންވަރު އިތުރުވަމުންދާކަން ފާހަގަކުރެވެއެވެ.

ބަންގްލާދޭޝްގެ އެތައް މިލިއަން ރައްޔިތުން ބޭރު ޤައުމުތަކުގައި ވަޒީފާ އަދާކުރަމުންދެއެވެ. ރަސްމީ ތަފާސްހިސާބުތަކުން ދައްކާގޮތުގައި، 2022 ވަނަ އަހަރުގެ ނިޔަލަށް ގާތްގަނޑަކަށް 13 މިލިއަން ބަންގްލާދޭޝް މީހުން ބޭރު ޤައުމުތަކުގައި މަސައްކަތްކުރަމުންދެއެވެ. މީގެ ތެރެއިން ގިނަ މީހުން މަސައްކަތްކުރަނީ މެދު އިރުމަތީގެ ޤައުމުތަކާއި، ދެކުނު އޭޝިޔާގެ އެހެނިހެން ޤައުމުތަކުގައެވެ.

މި މަސައްކަތްތެރިންގެ ތެރޭގައި ޢިމާރާތްކުރުމުގެ ދާއިރާގެ މަސައްކަތްތެރިންނާއި، ގޭގެ މަސައްކަތު މީހުންނާއި، އަދި އެހެނިހެން ދަށް ފަންތީގެ މަސައްކަތްތެރިން ހިމެނެއެވެ.

މި މަސައްކަތްތެރިންގެ ފޮނުވާ ފައިސާއަކީ ބަންގްލާދޭޝްގެ އިޤްތިޞާދަށް ވަރަށް މުހިންމު އާމްދަނީއެކެވެ.