ރާއްޖޭގެ އެކި ހިސާބުތަކަށް މިހާރު ކުރަމުންދާ ވިއްސާރައިގައި، މޫސުން ގޯސްވާނެ ކަމަށް ލަފާކޮށް، މޫސުމާއި ބެހޭ އިދާރާ (މެޓް އޮފީސް) އިން ބ އަތޮޅުން ފެށިގެން މ އަތޮޅާއި ދެމެދުގެ ރަށްތަކަށް ހުދު ސަމާލު ނެރެފިއެވެ.

މެޓް އޮފީހުން ބުނީ، މި ސަރަހައްދުތަކަށް މިއަދު ގެ މެންދުރު 13:00 އިން ފެށިގެން އިރުއޮއްސި 18:00 އާއި ހަމައަށް ގުގުރުމާއި އެކު ބޯކޮށްވާރޭ ވެހޭނެ ކަމަށް ލަފާ ކުރާ ކަމަށެވެ.

މީގެ އިތިރުން މިއަދު ހެނދުނު ވަނީ ހއ.އަތޮޅުން ފެށިގެން ބ އަތޮޅަށްވެސް ހުދުސަމާލުނެރެފައެވެ.