ރައްޓެހިންނާއެކު މާލެ އަތޮޅު ހުވަފެންފުށި ރިސޯޓު ކައިރީ އޮންނަ ފިނޮޅަކަށް އިއްޔެ ދަތުރުދިޔަ ފިރިހެނަކު ގެއްލިގެން ހޯދަން ފަށައިފައިވާ ކަމަށް މީޑިއާތަކުން ބުނެފިއެވެ.
ގެއްލިގެން ހޯދަނީ އުމުރުން 42 އަހަރުގެ ތަސްލީމް މުހައްމަދެވެ. އޭނާ ގެއްލިފައިވަނީ އިއްޔެގައެވެ.
ތަސްލީމް މުހައްމަދު އަކީ މާލެ ސިޓީ ކައުންސިލުގައި އިލެޓްރީޝަނަކަށް މަސައްކަތް ކުރާ މީހެކެވެ.
އޭނާގެ އާއިލާއިން ކޮށްފައިވާ ފޯސްޓެއްގައި ބުނެފައިވަނީ ތަސްލީމް މުހައްމަދު ވަނީ ހުވަފެންފުށި ކައިރި އޮންނަ ސޭންޑް ބޭންކް އަކަށް ދަތުރު ގޮސްގެން އުޅެނިކޮށް އިއްޔެ ހެނދުނު 10.00 ހާއިރު (30.8.2024) ގެއްލިފައިކަމަށެވެ.
އަދި ތަސްލީމް އާ ބެހޭ އެއްވެސް މައުލޫމާތެއް އެގޭ ނަމަ އާއިލާއަށް އަންގާލަދުނުމަށްވެސް ވަނީ ޕޯސްޓުގައި ބުނެފައިވެއެވެ.
މިކަމާ ގުޅިގެން ފުލުހުން ބުނެފައިވަނީ ގެއްލުނު މީހާ ހޯދުމުގެ މަސައްކަތް ކުރިއަށްދާކަމަށެވެ.
Advertisement
This content is created and paid for by advertisers and does not involve Voice Journalists
