މިއަހަރުގެ ގައުމީ ދުވަހާ ގުޅިގެން އަންނަ ދެ ދުވަހުގެ ބަންދުގައި ވެސް ޕާސްޕޯޓް ހެއްދުމުގެ ޚިދުމަތް ދެމުން ގެންދާނެ ކަމަށް މޯލްޑިވްސް އިމިގްރޭޝަނުން އިއުލާނުކޮށްފިއެވެ.
މި އަހަރުގެ ގައުމީ ދުވަސް ފާހަގަކުރާނީ އަންނަ ބުދަ ދުވަހުއެވެ. އަދި އޭގެ އަނެއް ދުވަހު ވެސް ސަރުކާރު ބަންދުކުރުމަށް ވަނީ ނިންމާފައެވެ. ނަމަވެސް، މި ދެ ދުވަހުގައި ވެސް އިމިގްރޭޝަނުގެ މާލޭ އޮފީހުން ދިވެހި ޕާސްޕޯޓުގެ ޚިދުމަތް ފޯރުކޮށްދޭނެ ކަމަށް އެ އިދާރާއިން މައުލޫމާތު ދީފައިވެއެވެ.
އިމުގާ ޕޯޓަލް މެދުވެރިކޮށް 24 ގަޑިއިރު ޕާސްޕޯޓަށް އެދެވޭނެއެވެ. އަދި ޕާސްޕޯޓާ ހަވާލުވުމަށް ކިއު ނަންބަރު ދޫކުރާނީ ހެނދުނު 8:30 އިން މެންދުރު 2:00 އާ ހަމައަށެވެ.
ރައްޔިތުންނަށް ލުއިފަސޭހަކޮށްދިނުމުގެ ގޮތުން، ކުރީގައި ވެސް ބައެއް ބަންދު ދުވަސްތަކުގައި އިމިގްރޭޝަނުން ވަނީ ޕާސްޕޯޓުގެ ޚިދުމަތް ދީފައެވެ. މިފަހަރު ވެސް ގައުމީ ދުވަހުގެ ބަންދުގައި މި ޚިދުމަތް ދިނުމަށް ނިންމާފައިވަނީ ރައްޔިތުންނަށް އިތުރު ފަސޭހައެއް ހޯދައިދިނުމުގެ ގޮތުންނެވެ.
Advertisement
This content is created and paid for by advertisers and does not involve Voice Journalists
