ޕީސް ފައުންޑޭޝަނުން ކުޑަކުދިންނަށް އަމާޒުކޮށްގެން "ޑޫޔޫ ނޯ الله" ނަމުގައި ވޯކްޝޮޕެއް ބޭއްވުމަށް ނިންމައި، އެ ވޯކްޝޮޕްގައި ބައިވެރިވުމުގެ ފުރުސަތު ހުޅުވާލައިފިއެވެ.

މި ވޯކްޝޮޕަކީ ކުޑަކުދިންނަށް އެކުދިންގެ ޚާލިޤުވަންތަ الله އާ ބެހޭ ގޮތުން އުނގަންނައިދިނުމަށް ބާއްވާ ވޯކްޝޮޕެކެވެ. މި ވޯކްޝޮޕް ކުރިއަށް ގެންދާނީ ޝައިޚް ނިމާލް މުޙައްމަދުގެ ބެލުމުގެ ދަށުން މުޙައްމަދު ސޯބާޙް (ޗޭބެ) ކަމަށް ޕީސް ފައުންޑޭޝަނުން ކަމަށް ވާއިރު، ކުދިންނާއި ގުޅޭ، މަޖާ ގޭމް ތަކާއި ހަރަކާތްތައް ވޯކްޝޮޕްގެ ތެރެއިން ކުރިއަށްދާނެ ކަމަށް ޕީސް ފައުންޑޭޝަނުން ހާމަކޮށްފައިވެއެވެ.

މި ވޯކްޝޮޕް އޮންނާނީ 2024 މި ސެޕްޓެމްބަރު މަހުގެ 7 ވަނައަށްވާ ދުވަހު ހޮނިހިރު ދުވަހު ހެނދުނު 9:00 އިން 11:30 އަށް ކަމަށާ މި ވޯކްޝޮޕްގައި ބައިވެރިވުމަށް 300 ރުފިޔާގެ ފީއެއް ނަގާނެ ކަމަށްވެސް ޕީސް ފައުންޑޭޝަނުން ބުނެފައިވެއެވެ.

Advertisement

މި ވޯކްޝޮޕްގައި 7 އަހަރާއި 10 އަހަރާ ދެމެދުގެ އުމުރުފުރާގެ ދަރިވަރުންނަށް ބައިވެރިވުމުގެ ފުރުސަތު އޮތް އިރު، ވޯކްޝޮޕްގައި ބައިވެރި ވެވޭނީ އެންމެ ފުރަތަމަ ރެޖިސްޓާ ކުރާ 10 ކުދިންނަށް ކަމަށް ޕީސް ފައުންޑޭޝަނުން މައުލޫމާތު ދެއެވެ. 

ވޯކްޝޮޕްގައި ބައިވެރިވާން ބޭނުންވާ ފަރާތްތަކުން https://forms.gle/qnJUA19Jito1Jd7X8 ލިންކުގައިވާ ގޫގުލް ފޯމެއް މެދުވެރިކޮށް ރަޖިސްޓްރީ ކުރެވޭނެ ކަމަށްވެސް ބުނެފައިވެއެވެ.

އިތުރު މައުލޫމާތު ހޯދަން ބޭނުންވާ ފަރާތްތަކަށް 7341781 އަދި 9552949 ނަންބަރާ ގުޅައިގެން މައުލޫމާތު ސާފުކުރެވޭނެ ކަމަށްވެސް ޕީސް ފައުންޑޭޝަނުން ބުނެފައިވެއެވެ.