އަމިއްލަ ދިރިއުޅުމަށްޓަކައި ކުރާ ކާބޯތަކެތި އުފައްދާ ވިއްކުމުގެ މަސައްކަތުގައި އަމަލު ކުރަންވީ އުސޫލު އާއްމުކޮށްފިއެވެ. 

މި އުސޫލު ޝާއިޢުކޮށްފައިވަނީ ޞިއްޙަތާބެހޭ ވުޒާރާގެ ވެބްސައިޓާއި މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) ގެ ދިރިތި ޕޯޓަލްގައެވެ.

މި އުސޫލުގެ ދަށުން، ގޭގައި ކާބޯތަކެތި އުފައްދާ ވިއްކާ ފަރާތްތަކުން އެމްއެފްޑީއޭގެ ދިރިތި ޕޯޓަލް މެދުވެރިކޮށް ރަޖިސްޓަރީވާން ޖެހޭނެއެވެ.

އުސޫލުގައި ކާބޯތަކެތި އުފައްދާ ތަނުގެ ޝަރުޠުތަކާއި، ބޭނުންކުރާ ސާމާނުގެ މިންގަނޑުތަކާއި، އުފައްދާ މީހުންގެ ސާފުތާހިރުކަމުގެ މިންގަނޑުތައް ބަޔާންކޮށްފައިވެއެވެ. އަދި ކާބޯތަކެތި ތައްޔާރުކުރުމާއި، ރައްކާކުރުމާއި، އުފުލުމާއި، ކުނި ނައްތާލުމާ ގުޅޭ އިރުޝާދުތައްވެސް ހިމަނާފައިވެއެވެ.

މި އުސޫލު ނެރުމުގެ ބޭނުމަކީ ކާބޯތަކެތި އުފެއްދުމުގައި ސާފުތާހިރުކަން ކަށަވަރުކުރުމާއި، ރައްޔިތުންގެ ޞިއްޙަތު ރައްކާތެރިކުރުމެވެ. މީގެ ކުރިން ބައެއް ތަންތަނުގައި ނުސާފު ޙާލަތުގައި ކާބޯތަކެތި އުފައްދާ ވިއްކާކަމުގެ ޝަކުވާތައް އުފުލިފައިވެއެވެ.

- ކާބޯތަކެތި ތައްޔާރުކުރާ ފަރާތަކީ 'ބޭސިކް ފުޑް ސޭފްޓީ ކޯސް' ފުރިހަމަކޮށްފައިވާ ފަރާތެއް ކަމުގައިވުން ނުވަތަ އެމްއެފްޑީއޭއިން ހިންގާ ތަމްރީނު ޕްރޮގްރާމެއް ފުރިހަމަކޮށްފައިވުން.

- ގޭގައި ދިރިއުޅޭ މީހުން ފިޔަވައި އިތުރު މުވައްޒަފުންނާއި މަސައްކަތު މީހުން ބޭނުން ނުކުރުން.ކާބޯތަކެތި ތައްޔާރުކުރާ ވަގުތުތަކުގައި ކަމާއި ނުގުޅޭ މީހުން ބަދިގެއަށް ނުވެއްދުން.

- ކާބޯތަކެތި ތައްޔާރުކުރާ ވަގުތުތަކުގައި ކަމާއި ނުގުޅޭ މީހުން ބަދިގެއަށް ނުވެއްދުން.

- ވަހާއ،ި ދުމާއ،ި ކުނި އަދި ގަދަ އަޑުގެ ސަބަބުން އާންމުންގެ ސިއްހަތަށް ނުރައްކާ ވެދާނެ ފަދަ މަސައްކަތަކަށް ނުވުން.

- ފުޅާ ދާއިރާއެއްގައި ކާބޯތަކެތި އުފައްދަން ގެންގުޅޭ ފަދަ ބޮޑެތި އާލާތްތައް ބޭނުން ނުކުރުނ.ް (މިސާލު: އިންޑަސްޓްރިއަލް އަވަން)

- ހެދިކާ ވިއްކަން ބަހައްޓާއިރު އެތަކެތި އަޅާފައިވާ ކޮންޓެއިނަރުގައި އުފެއްދި ތަނުގެ ނަމާއި ކާބޯތަކެތި ތައްޔާރުކުރުމަށް ހުއްދަ ދޭ ފަރާތުން ތަނަށް ދޫކޮށްފައިވާ ރަޖިސްޓްރީ ނަންބަރު ލޭބަލް ކުރުން.