މޯލްޑިވްސް މަނިޓަރީ އޮތޯރިޓީ (އެމްއެމްއޭ) އަށް ފަސް މެނޭޖިން ޑިރެކްޓަރުން ހޯދުމަށް އަނެއްކާވެސް އިޢުލާންކޮށްފިއެވެ.

މި އިޢުލާނަކީ މިދިޔަ މަހުގެ 8 ވަނަ ދުވަހު ކުރި އިޢުލާނަށް އެކަށީގެންވާ އަދަދަކަށް ޝަރުތު ހަމަވާ ފަރާތްތަކުގެ އެޕްލިކޭޝަން ލިބިފައިނުވާތީ، އަލުން ކުރި އިޢުލާނެކެވެ.

އެމްއެމްއޭއިން މިއަދު ކުރި އިޢުލާނުގައި ބުނެފައިވަނީ، ކުރީގެ އިޢުލާން ބާޠިލުކޮށް، ޓަރމްސް އޮފް ރިފަރެންސްއަށް ބަދަލުގެނެސް އަލުން މި ފުރުޞަތު ހުޅުވާލާފައިވާ ކަމަށެވެ. މި މަޤާމުތަކަށް ބޭނުންވަނީ ހުނަރުވެރި، ޤާބިލު އަދި އިޚްލާޞްތެރިކަމާއި ތެދުވެރިކަމާއެކު މަސައްކަތްކުރުމަށް ޝައުޤުވެރިވާ ފަރާތްތައް ކަމަށް އެމްއެމްއޭއިން ފާހަގަކޮށްފައިވެއެވެ.

މީގެ އިތުރުން، މި ފަސް މެނޭޖިން ޑިރެކްޓަރުންގެ މަޤާމުތަކަކީ އަންހެނުންނާއި ފިރިހެނުންނަށް ހަމަހަމަ ފުރުޞަތު އޮތް މަޤާމުތަކެއްކަން އެމްއެމްއޭއިން ކުރި އިޢުލާނުގައި ބަޔާންކޮށްފައިވެއެވެ. ކުރީގެ އިޢުލާނުގެ މުއްދަތު ހަމަވެފައިވަނީ އޮގަސްޓް 22 ގައެވެ.

· މަނިޓަރީ ޕޮލިސީ، ރިސަރޗް އެންޑް ސްޓެޓިސްޓިކްސް

· ފައިނޭންޝަލް ސްޓެބިލިޓީ

· ބޭންކިންގ އޮޕަރޭޝަންސް

· ކޯޕޮރޭޓް ސަރވިސަސް

· ފައިނޭންޝަލް ސެކްޓަރ ޑިވަލަޕްމަންޓް

މި މަގާމުތަކުގެ މުސާރައާއި އިނާޔަތުގެ ގޮތުގައި 50،000ރ. އާއި 55،000ރ. އާ ދެމެދުގެ އަދަދެއް ލިބޭނެކަމަށް އެމްއެމްއޭއިން ބުނެއެވެ. މި މަގާމުތަކަށް ޝައުގުވެރިވާ ފަރާތްތަކުން މިމަހުގެ 17 ވަނަދުވަހުގެ 13:00ގެ ކުރިން ހުށައެޅުމަށް މަރުކަޒީ ބޭންކުން ވަނީ ހުޅުވާލާފައެވެ. މި މަގާމުގެ މުއްދަތަކީ ފަސް އަހަރުގެ ދެ ދައުރެވެ.