ބޮޑުތަކުރުފާނުގެ ޖިހާދުގެ ޛިކުރާ އައުކޮށް އެއިން އިބުރަތް ލިބިގަތުމަކީ ޤައުމުގެ މިނިވަންކަމަށް މުހިއްމުކަމެއް ކަމަށް ކުރީގެ ރައީސް އިބްރާހީމް މުޙައްމަދު ޞާލިޙް ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ ޤައުމީ ދުވަހާ ގުޅިގެން އެކްސް ގައި ކުރެއްވި ޕޯސްޓެއްގައެވެ.
ޞާލިހުގެ ޕޯސްޓުގައި އެމަނިކުފާނު ވަނީ، އެންމެހާ ދިވެހި ރައްޔިތުންނަށް ގައުމީ ދުވަހުގެ ހެޔޮއެދުމާއި ތަހުނިޔާ އަރިސްކުރައްވާފައެވެ.
އެއާއެކު ރައީސް ޞާލިޙް ވިދާޅުވެފައިވަނީ، ދީނާއި ޤައުމުގެ ދިފާޢުގައި ބޮޑުތަކުރުފާނު ވެވަޑައިގަތް މަތިވެރި ޖިހާދުގެ ޛިކުރާ އައުކޮށް، އެއިން އިބުރަތް ލިބިގަތުމަކީ ޤައުމުގެ މިނިވަންކަމާއި ހަމަޖެހުމަށް ކޮންމެހެން މުހިއްމުކަމެއް ކަމުގައެވެ.
ޤައުމީ ދުވަހަކީ ކޮންމެ އަހަރެއްގެ ރަބީޢުލްއައްވަލް މަހުގެ 1 ވަނަ ދުވަހު ފާހަގަކުރާ ދުވަހެކެވެ. މިއީ ބޮޑުތަކުރުފާނު ޕޯޗުގީޒުންގެ އަތްދަށުން ރާއްޖެ މިނިވަންކުރެއްވި ދުވަސް ކަމަށްވާތީ، މި ދުވަހަކީ ދިވެހި ޤައުމިއްޔަތުގެ ރަމްޒެއްގެ ގޮތުގައި ފާހަގަކުރެވޭ ދުވަހެކެވެ.
Advertisement
This content is created and paid for by advertisers and does not involve Voice Journalists
