ބަންގްލަދޭޝްގައި ފެންބޮޑުވުމުގެ ސަބަބުން މަރުވި މީހުންގެ އަދަދު 71 އަށް އަރާފައިވާމަކަމަށް ބޭރުގެ މީޑިއާތަކުން ބުނެފިއެވެ.
އެތައް މިލިއަން ބަޔަކު އަދިވެސް ހަލާކުވެފައިވާ ސަރަހައްދުތަކުގައި ތާށިވެފައިވާ ކަމަށާއި ފެންބޮޑުވާ ވަރަކަށް ފެނުގެ ޒަރިއްޔާއިން ބަލިފެތުރޭނެ ބިރުވަނީ ވަރަށްބޮޑަށް ފެތުރިފައެވެ އެވެ.
ބޯކޮށް ވާރޭވެހި ފެންބޮޑުވުމުގެ ސަބަބުން ފާއިތުވި ދެ ހަފުތާގެ ތެރޭގައި ބޮޑެތި ގެއްލުންތަކެއް ވަނީ ލިބިފައެވެ.އަދި ގެއްލުމުގެ އަސަރު ގާތްގަނޑަކަށް ފަސް މިލިއަނަށް ވުރެ ގިނަ މީހުންނަށް ވަނީ ކޮށްފައެވެ އެވެ.
ފެންބޮޑުވި 11 ޑިސްޓްރިކްޓެއްގައި އަދިވެސް 580،000 އަށް ވުރެ ގިނަ އާއިލާ ހާލުގައި ޖެހިފައިވާއިރު ކާބޯތަކެއްޗާއި ސާފު ފެނާއި ބޭހާއި ފޭރާން ބޭނުންވެ އެވެ.
ގާތްގަނޑަކަށް 500 އެއްހާ މެޑިކަލް ޓީމުން ފަރުވާ ދިނުމުގައި އެހީތެރިކަން ފޯރުކޮށްދެމުން އަންނައިރު، އަސްކަރިއްޔާއާއި ވައިގެ ސިފައިންނާއި ނޭވީ އަދި ބޯޑަރ ގާޑުން ދަނީ އެހީތެރިކަން ފޯރުކޮށްދެމުންނެވެ.
ކަމާބެހޭ ފަރާތްތަކުން މިހާރު ސަމާލުކަން ދެނީ ފެނުގެ ޒަރިއްޔާއިން ޖެހޭ ބަލިތައް ފެތުރުން ހުއްޓުވުމަށެވެ.
ޑައިރެކްޓަރޭޓް ޖެނެރަލް އޮފް ހެލްތް ސަރވިސަސް އިން ބުނީ ފާއިތުވި 24 ގަޑިއިރުގެ ތެރޭގައި ގާތްގަނޑަކަށް 5،000 އެއްހާ މީހުން ހޮސްޕިޓަލުގައި އެޑްމިޓްކޮށްފައިވާ ކަމަށެވެ.
Advertisement
This content is created and paid for by advertisers and does not involve Voice Journalists
