އިޓަލީގެ ކަލްޗަރަލް މިނިސްޓަރު އެ ވުޒާރާގެ ކޮންސަލްޓެންޓަކާއެކު ނަހަމަ ގުޅުމެއް ބޭއްވެވިކަމަށް އެއްބަސްވެވަޑައިގަތުމާއެކު މަގާމުން އިސްތިއުފާ ދެއްވައިފި އެވެ. 

އުމުރުން 62 އަހަރުގެ ޖެނާރޯ ސަންގިއުލިއާނޯ މީޑިއާގެ ތޫފާނެއްގެ ތެރެއަށް ވެއްޓުނީ އޭނާގެ ކުރީގެ ލޯބިވެރިޔާ މާރިއާ ރޮސާރިއާ ބޮކިއާ ލިންކްޑްއިންގައި "ބޮޑެތި ހާދިސާތަކުގެ" އެޑްވައިޒަރަކަށް ހަމަޖެއްސި ކަމަށް ބުނެ ޕޯސްޓު ކުރުމުންނެވެ.

އޭނާ އެންމެ ފުރަތަމަ އެ ވާހަކަ ދޮގުކުރި ނަމަވެސް ބުދަ ދުވަހު ދައުލަތުގެ ޓީވީއަށް ދިން އިންޓަވިއުއެއްގައި ސަންގިއުލިއާނޯ ވަނީ ބޮކިއާއާ ގުޅުން އޮތް ކަމަށް އިއުތިރާފުވެ، މުސާރަ ނުލިބޭ ކޮންސަލްޓަންޓެއްގެ ގޮތުގައި އޭނާ ހަމަޖެއްސި ކަމަށް އިއުތިރާފުވެފަ އެވެ.
މިދިޔަ ހުކުރު ދުވަހު އޭނާ ވަނީ އިސްތިއުފާ ދެއްވާފައެވެ. ނަމަވެސް މިނިސްޓަރުކަމުގެ އެއްވެސް އުސޫލަކާ ހިލާފުވެފައިވާ ކަމަށް ދެކެވޭ ވާހަކަތައް ވަނީ ދޮގު ކުރަައްވައިފަ އެވެ.

Advertisement

އަޅުގަނޑު އެންމެ ފުރަތަމަ މައާފަށް އެދެންޖެހެނީ ލާމަސީލު މީހެއްކަމަށްވާ އަޅުގަނޑުގެ އަނބިމިހާގެ ކިނބައިން. އަދި އަޅުގަނޑަށް އިތުބާރު ކުރެއްވި [ބޮޑުވަޒީރު] ޖިއޯޖިއާ މެލޯނީއާއި އޭނާގެ ސަރުކާރަށް ލަދުވެތި ހާލަތެއް ކުރިމަތިކުރެވުނީތީ މައާފަށް އެދެން،" ސެންގިއުލިއާނޯ ވިދާޅުވި އެވެ