އޭ ލެވެލް އަދި އެޗް.އެސް.ސީ އިމްތިހާނުގެ ލޭޓް އެންޓްރީއަށް އަނެއްކާވެސް ހުޅުވާލައިފިއެވެ.
ޑިޕާޓްމަންޓް އޮފް ޕަބްލިކް އެގްޒަމިނޭޝަންސް އިން ވަނީ މި އަހަރުގެ ސެޕްޓެންބަރު އަދި އޮކްޓޯބަރު މަހު ބޭއްވުމަށް ހަމަޖެހިފައިވާ އެޑެކްސެލް އޭ ލެވެލް އަދި އެޗް.އެސް.ސީ އިމްތިހާނުގެ ލޭޓް އެންޓްރީގެ އެޕްލިކޭޝަން ހުށަހެޅުމަށް ދެވަނަ ފުރުސަތެއް ހުޅުވާލައިފައެވެ.
"ސަރުކާރު" ވެބްސައިޓުގައި ޝާއިޢުކޮށްފައިވާ މަޢުލޫމާތަކުން އެނގޭ ގޮތުގައި، މި ފުރުސަތުގެ ދަށުން އެޕްލިކޭޝަން ހުށަހެޅުމުގެ ސުންގަޑިއަކީ އަންނަ ބުރާސްފަތި ދުވަހުގެ މެންދުރު 12:00 އެވެ.
މިކަމަށް އެދޭ ފަރާތްތަކަށް އެޕްލިކޭޝަން ފޯމް ލިބިވަޑައިގަންނަވާނީ ޑިޕާޓްމަންޓް އޮފް ޕަބްލިކް އެގްޒޭމިނޭޝަންސްގެ ކައުންޓަރުންނެވެ. މި ކައުންޓަރު ހުންނަނީ ހ.އަސްރަފީވިލާ، ދެވަނަ ފަންގިފިލާ، މަޖީދީމަގުގައެވެ.
އޮންލައިންކޮށް އެޕްލިކޭޝަން ހުށަހެޅުމުގެ އިންތިޒާމުވެސް ހަމަޖައްސާފައިވެއެވެ. މިގޮތުން އެޕްލިކޭޝަން ފޮނުވަން ޖެހޭނީ [email protected] އަށެވެ. އަދި ފީ ދެއްކުމަށް ބަނޑޭރި ޕޭ ޕޯޓަލް ބޭނުންކުރެވޭނެއެވެ.
Advertisement
This content is created and paid for by advertisers and does not involve Voice Journalists
