އަލްޖީރިއާގެ މިހާރުގެ ރައީސް އަބްދުލްމަޖީދު ތެބޫނެ ވަރަށް ބޮޑު އަޣުލަބިއްޔަތަކުން އައު ދައުރަކަށް އެގައުމުގެ ރައީސްކަމަށް އިންތިޚާބުވެވަޑައިގެންފިއެވެ.
5.3 މިލިއަނަށްވުރެ ގިނަ މީހުން ވަނީ ތެބޫނެއަށް ވޯޓުދީފައިވާއިރު، މިއީ ވޯޓުގެ 94.65 އިންސައްތަ އެވެ.
އުމުރުފުޅުން 78 އަހަރުގެ ތެބޫނެ 5 އަހަރުގެ ދެވަނަ ދައުރަކަށް ހޮވިވަޑައިގެންފައިވާއިރު، އޭނާ މިއިންތިހާބުގައި ވާދަކުރެއްވީ ވޯޓުގެ 3.17 އިންސައްތަ ހޯއްދެވި 57 އަހަރުގެ އިސްލާމީ ކެންޑިޑޭޓު އަބްދުލްއަލީ ހަސާނީއާއި ވޯޓުގެ 2.16 އިންސައްތަ ހޯއްދެވި 41 އަހަރުގެ ސޯޝަލިސްޓު ކެންޑިޑޭޓު ޔޫސުފް އައުޝީޗެއާ ދެކޮޅަށެވެ.
ގިނަ ބައެއްގެ ތާއީދު ލިބިފައިވާތީ، ތެބޫނެ އަލުން އިންތިޚާބުވެވަޑައިގަންނަވާނެކަން ޔަޤީންވި ނަމަވެސް، އޭނާގެ މައިގަނޑު އަމާޒަކަށްވީ 2019 ވަނަ އަހަރު ހުރި ވޯޓު ލުމުގެ ނިސްބަތް މަތިކޮށް، މި އިންތިޚާބުގައި ވޯޓުލާ މީހުންގެ އަދަދު އިތުރުކުރުމެވެ.
އެ އަހަރު، ތެބޫނެ ރައީސް ކަމަށް ވަޑައިގަތީ ބޮއިކޮޓްކުރެވުނު އިންތިޚާބުތަކެއްގެ ތެރެއިންނާއި، ފަހުން އޭނާގެ ވެރިކަމުގައި ފުލުހުންގެ ހަރަކާތްތައް އިތުރުކޮށް އަދި ޑިމޮކްރަސީއަށް ތާއީދުކުރާ ހިރާކް އިހުތިޖާޖުތައް ނިމުމަކަށް ގެނެސްގެންނެވެ.
Advertisement
This content is created and paid for by advertisers and does not involve Voice Journalists
