ރަޝިޔާއިން 67 ޑްރޯން ބޭނުންކޮށްގެން ވަރުގަދަ ހަމަލާތަކެއް ޔުކްރެއިނަށް ދީފިއެވެ.
ޔޫކްރެއިންގެ ވައިގެ އަސްކަރިއްޔާއިން ބުނީ 67 ޑްރޯންގެތެރެއިން 58 ޑްރޯން ވައްޓާލާފައިވާކަމަށެވެ.
ޓެލެގްރާމް ގައި ހޮނިހިރު ދުވަހު ނެރުނު ބަޔާނެއްގައި ޔުކްރެއިންގެ ވައިގެ ސިފައިން ބުނީ، ޔޫކްރެއިންގެ ވެރިރަށް ކިއެވްގައި ހުންނަ ޕާލަމެންޓް އިމާރާތުގެ ކައިރީގައި ވެސް ވެއްޓިފައިވާ ޑްރޯނެއްގެ ބައިތައް ފެނިފައިވާ ކަމަށެވެ.
އަދި ޔޫކްރެއިންގެ 11 ސަރަޙައްދެއްގައި އެއަރ ޑިފެންސް ޔުނިޓްތައް ހަރަކާތްތެރިވާން ފަށާފައިވާ ކަމަށެލާ، ޑްރޯންތައް ފޮނުވާލާފައިވަނީ ރަޝިޔާގެ ބޯޑަރު ދެ ސަރަޙައްދަކުންނާއި ރަޝިޔާއިން ހިފާފައިވާ ކްރައިމިއާ ޕެނިންސިއުލާއިން ކަމަށް ވެސް އެ ބަޔާނުގައި ބުނެފައިވެއެވެ.
މި ހަމަލާތަކުގައި އެއްވެސް މީހަކަށް ގެއްލުމެއް ލިބުނު ކަމުގެ މައުލޫމާތެއް އަދި ލިބިފައެއް ނުވެއެވެ.
އެސޯސިއޭޓެޑް ޕްރެސް އާއި ރޮއިޓާސް ނިއުސް އެޖެންސީތަކުން ރިޕޯޓްކޮށްފައިވާ ގޮތުގައި ޕާލަމެންޓް އިމާރާތުގެ ބޭރުގައި މަގުމަތީގައި އެއް ޑްރޯންގެ ބައިތައް ނަގާފައިވާ ކަމަށެވެ.
މީގެ އިތުރުން މިދިޔަ ހަފުތާފައި ޔޫކުރެއިންގެ ޕޮލްޓާވާ ސިޓީއަށް ދިން މިސައިލް ހަމަލާގައި 55 މީހުން މަރުވެ، 328 މީހުން ޒަޚަމްވި އެވެ.
Advertisement
This content is created and paid for by advertisers and does not involve Voice Journalists
