ޓެސްލާއިން އުފެއްދި، ދުނިޔޭގެ ފުރަތަމަ އޯލް އިލެކްޓްރިކް ގިގަ ޓްރެއިން ތައާރަފްކޮށް ޖަރުމަނުގައި ފުރަތަމަ ދަތުރުކޮށްފިއެވެ.
މި ރޭލުގެ ފުރަތަމަ ދަތުރުތައް ފަށާފައިވާއިރު މި ގިގަ ރޭލުން އަދި ދަތުރުކުރެވެެނީ ބަލިންގެ އާކްނަރ ސްޓޭޝަނުން އެގައުމުގެ އިރުދެކުނުގައި، ގާތްގަނޑަކަށް 20 މޭލު ދުރުގައި އޮންނަ އެ ކުންފުނީގެ ފެސިލިޓީ ހުންނަ ޓެސްލާ ސުޑްއަށެވެ.
މިވަގުތު ޓެސްލާގެ ރޭލުގައި 500 މީހުންނަށް ދަތުރުކުރެވޭއިރު، ރޭލުގައި 120 ގޮނޑިއާއި، ސައިކަލަށް ޖާގައާއި، ފަސިންޖަރުންނަށް މައުލޫމާތު ދޭ ނިޒާމު ސިސްޓަމެއް ހުރެއެވެ.
މި ރޭލުން ޓެސްލާގެ މުވައްޒަފުންގެ އިތުރުން އާންމުންނަށްވެސް ހިލޭ ދަތުރުކުރެވެއެވެ.
ޓެސްލާގެ މުވައްޒަފުން 3 ޝިފްޓަށް މަސައްކަތްކުރާއިރު މި ރޭލުގެ ޚިދުމަތާ އެކު 4،500 މުވައްޒަފުން ވަޒީފާއަށް ދިއުމާއި ވަޒީފާއިން އައުމަށް ފަސޭހަވެގެންދާނެއެވެ. އަދި ރޭލު ދަތުރުކުރާ މަގުގައި ސްޓޮޕް ތަކެއް އިތުރު ކުރާނެ ކަމަށްވެސް ޓެސްލާއިންވަނީ ބުނެފައެވެ.
މި ރޭލުގެ ސަބަބުން އެހެން ރޭލުތަކާ އަޅާބަލާއިރު 50 ޓަނުގެ ކާބަން ޑައިއޮކްސައިޑް ތަޣައްޔަރުވުން ސަލާމަތްކުރެވޭނެ ކަމަށް ބެލެވޭ ކަމަށް ވެސްވަނީ ވިދާޅުވެފައެވެ.
Advertisement
This content is created and paid for by advertisers and does not involve Voice Journalists
