މިއަދު އުތުރާއި މެދުރާއްޖެތެރޭގެ ރަށްތަކަށް މޫސުން ގޯސްވާނެކަމަށް މޫސުމާބެހޭ ގައުމީ އިދާރާއިން ބުނެފިއެވެ.

މޫސުމާ ބެހޭ އިދާރާއިން ލަފާކޮށްފައިވާގޮތުން، މިއަދު އުތުރާއި މެދުރާއްޖެތެރޭގެ ބައެއް ރަށްތަކަށް ބޯކޮށް ވާރޭވެހުމުގެ އިތުރުން ގުގުރާނެއެވެ.

އަދި ދެކުނުގެ އަތޮޅުތަކަށްވެސް ކެރިގެ އަސަރު ކުރާނެކަމަށް އެ އިދާރާއިން ލަފާކޮށްފައިވެއެވެ.

Advertisement

ދެކުނުގެ އަތޮޅިތަކަށް ދެކުނާއި ހުޅަނގު ދެކުނުން ގަޑިއަކު ފަސް މޭލާއި 15 މޭލާ ދެމެދުގެ ބާރުމިނުގައި ވައިޖެހޭނެ ކަމަށް އެ އިދާރާއިން ލަފާކޮށްފައިވެއެވެ. އަދި ވިލާގަނޑުގައި ގަޑިއަކު 35 މޭލަށް ވައި ހުންނާނެކަމަށްވެސް ލަފާކޮށްފައިވެއެވެ.

ނަމަވެސް، ކަނޑުތައް އާދައިގެ ވަރަކަށް މަޑުވާނެކަމަށާއި، ރާޅުގެ އުސްމިން 2 ފުޓާއި 5 ފޫޓާއި ދެމެދުގައި ހުންނާނެކަމަށް އެ އިދާރާއިން ވަނީ ލަފާކޮށްފައެވެ.