ދުބާއީގެ އަމީރާ ޝެއިޚް މަހްރާ "ޑިވޯސް" ގެ ނަމުން ނަން ދީފައިވާ ސެންޓެއް އުފައްދައިފި ކަމަށް މީޑިއާތަކުން ރިޕޯޓު ކޮށްފިއެވެ.

އަލަތު ކައިވެނި ރޫޅާލުމާ ގުޅުވައިގެން ނެރުނު މި ސެންޓަކީ އަމީރާ ޝައިހާ މަހްރާގެ އަމިއްލަފުޅު ބްރޭންޑް 'މަހްރާ އެމް1'ގެ ދަށުން އުފެއްދި ސެންޓެކެވެ. އަމީރާ ޝައިހާ މަހްރާ ވަނީ މި ސެންޓު އުފެއްދެވިކަން އިއުލާނުކުރައްވާ މި އުފެއްދުމުގެ ކުޑަކުޑަ ޓީޒާއެއް ވެސް އަމިއްލަފުޅު އިންސްޓަގްރާމްގައި ހިއްސާކުރައްވާފައެވެ.

މި ސެންޓަށް "ޑިވޯސް" ގެ ނަމުން ނަން ދެވިފައިވާއިރު، މި ސެންޓު އުފައްދާފައިމިވަނީ އޭނާގެ އިންސްޓަގްރާމުގައި ކައިވެނި ރޫޅާލަން ނިންމިކަން ހިއްސާކުރިތާ މާ ގިނަ ދުވަހެއް ނުވަނީހެވެ. 

Advertisement

އަލަށް ތައާރަފުކުރި "ޑިވޯސް" ސެންޓަކީ އަމީރާ ޝައިހާ މިހާރު ވެސް ހަރަކާތްތެރިވެލައްވާ ގިނަ ވިޔަފާރީގެ މަސައްކަތްތަކުގެ ދަށުން ތައާރަފުކުރެއްވި އާ ބްރޭންޑެކެވެ.

ޝެއިޚް މަހްރާ އާއި ޝެއިޚް މަނާ ކައިވެނި ކޮށްފައިވަނީ 2023 ގައެވެ. އެމީހުންގެ ކައިވެނި ވަރަށް ކުލަގަދަކޮށް ފާހަގަ ކޮށްފައިވާއިރު، ކައިވެންޏަށް މާގިނަ ދުވަހެއް ނުވެ އެ ދެމީހުންނަށް ވަނީ ދަރިއެއްވެސް ލިބިފައެވެ. އަދި އެދެމީހުންނަށް އަލަތު ދަރިފުޅު ލިބުނުތާ މާގިނަ ދުވަހެއް ނުވެ، ވަރިވާން ނިންމުމުން ވަރަށް ގިނަ ބަޔަކު ތިބީ ހައިރާން ވެފައެވެ.