އަތުކުރި ގަޑިތަކަކާއި ފޯނެއް ވަގަށް ނެގި މައްސަލައެއްގެ ތުހުމަތުގައި އުމުރުން 33 އަހަރުގެ ދިވެހި ފިރިހެނަކު 100 ވަނަ ފަހަރަށް ފުލުހުން ހައްޔަރުކޮށްފިއެވެ.
ވައްކަމުގެ މައްސަލައެއްގައި ފުލުހުން ހައްޔަރުކޮށް ބަންދާމެދު ގޮތެއް ނިންމުމަށް ކުރިމިނަލް ކޯޓަށް ހާޒިރުކުރުމުން އެ ކޯޓުން 15 ދުވަހަށް ބަންދުގައި ބަހައްޓަން އަމުރުކޮށްފައިވާ އެމީހަކީ މ.ނަރުގަސްމާގެ/ ކ.މާލޭ ވާރިޝް ޝަމްސުއްދީނެވެ.
ކޯޓު އަމުރުގައި ވާގޮތުން ތުހުމަތުކުރެވޭ މީހާ މި ފަހަރު ހައްޔަރުކުރީ ވައްކަމުގެ މައްސަލައެއްގައި ތުހުމަތުކުރެވިގެންނެވެ. އެ ގޮތުން، އެ މީހާ ބަލައި ފާސްކުރިއިރު ލައިގެން ހުރި ފަޓުލޫނުގެ ޖީބުން ހަތަރު އަތުކުރި ގަޑިއާއި ވަގަށް ނަގާފައިވާ ފޯނެއް ފެނިފައިވާ ކަމަށް ކޯޓު އަމުރުގައިވެއެވެ.
ނަމަވެސް ހައްޔަރުކުރުމުން ވާރިޝް ބުނެފައިވަނީ އޭނާ އެގެއަށް ވަނީ ރައްޓެއްސަކު ބުނެގެން ކަމަށެވެ. އަދި ޖީބުން ފެނުނު ފޯނަކީ މަގުމަތީގައި އޮއްވައި ފެނުނު ފޯނެއްކަަމަށްވެސް އޭނާ ވަނީ ބުނެފައެވެ.
ފަނަރަ ދުވަހު ބަންދުގައި ބަހައްޓަން ކުރިމިނަލް ކޯޓުން އަމުރުކުރިއިރު އޭނާއަށް ލިބިފައިވާ އަނިޔާތަކަށް ފަރުވާ ދިނުމަށްވެސް ކޯޓުންވަނީ އަންގާފަ އެވެ.
Advertisement
This content is created and paid for by advertisers and does not involve Voice Journalists
