ތޫފާން ޔާގީއާ ގުޅިގެން ވިއެޓްނާމްގައި މަރުވި މީހުންގެ އަދަދު 233 އަށް އަރާފައިވާކަމަށް، މީހުން ސަލާމަތްކުރުމުގެ މަސައްކަތުގައި ހަރަކާތްތެރިވަމުންދާ އެޤައުމުގެ އޮފިޝަލުން ހާމަކޮށްފިއެވެ.
ތޫފާން ޔާގީ ގެ ސަބަބުން މިދިޔަ ހޮނިހިރު ދުވަހު ، ބޯކޮށް ވާރޭވެހި، ވިއެޓްނާމްގެ ފަރުބަދަމަތީގައި ފެންބޮޑުވެ ބިންގަނޑު ކަނޑައިގެން ދިއުމުގެ ސަބަބުން އެތައަބައެއް މަރުވެފައި ވާއިރު އެތައް ބަޔަކު ވަނީ ވީއެއް ނުވީއެއް ނޭނގި ގެއްލިފައެވެ.ވިއެޓްނާމްގެ އެކި ސަރަހައްދުތަކުން 103 މީހުން ގެއްލިފައިވާއިރު 800 އަށްވުރެ ގިނަ މީހުން ވަނީ އެކިވަރުގެ އަނިޔާތައް ވެފައެވެ.
ތޫފާން ޔަގީއާގެ ސަބަބުން 130،000 އަށްވުރެ ގިނަ މީހުން ސަލާމަތްކުރެވިފައިވާއިރު، 135،000 އަށްވުރެ ގިނަ ގެއަށް ގެއްލުން ލިބިފައިވެއެވެ.
ތޫފާން ޔާގީގެ ސަބަބުން ދަނޑުވެރިކަމަށް ބޮޑެތި ގެއްލުންތަކެއް ލިބިފައިވާކަމަށް ވިއެޓްނާމުގެ އޮފިޝަލުން ބުނެއެވެ. މިގޮތުން 200،000 ހެކްޓަރަށްވުރެ ގިނަ ހަނޑޫ ދަނޑުތަކާއި، 40،000 ހެކްޓަރާ ގާތްކުރާ އެހެނިހެން ދަނޑުތަކުގައި ފެންބޮޑުވެފައިވެއެވެ. މީގެ އިތުރުން ގިނަ އަދަދެއްގެ ޖަނަވާރާއި، ދޫންޏާއި އެހެނިހެން ދިރޭ ތަކެތި ވަނީ މަރުވެފައެވެ.
Advertisement
This content is created and paid for by advertisers and does not involve Voice Journalists
