ރާއްޖޭގެ އިޤްތިޞާދީ ހާލަތު މިވަގުތު ދަށްވެފައިވަނީ ވަގުތީގޮތުން ކަމަށް ޚާރިޖީ ވަޒީރު މޫސާ ޒަމީރު ވިދާޅުވެއްޖެއެވެ. ޚާރިޖީ ވަޒީރު ވިދާޅުވީ، އައި.އެމް.އެފްގެ އެހީ ހޯދަންޖެހޭ ހިސާބަށް ރާއްޖޭގެ އިޤްތިޞާދު ދަށްވެފައި ނުވާ ކަމަށެވެ.
ޚާރިޖީ ވަޒީރު މިހެން ވިދާޅުވީ، އަވަށްޓެރި ސްރީލަންކާއަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން ބައެއް މީޑިއާތަކާ ވާހަކަފުޅުދައްކަވަމުންނެވެ.
ޚާރިޖީ ވަޒީރު އިތުރަށް ވިދާޅުވީ، ރާއްޖެއަށް ވަރަށް ޚާއްސަ އިސްކަމެއްދީގެން އެހީތެރިވާ ބައިނަލްއަޤްވާމީ ބައިވެރިން ތިބި ކަމަށެވެ.
"އަޅުގަނޑުމެންގެ އިޤްތިޞާދީ ހާލަތު ރަތު ރަނގަޅުކުރުމަށް ބޭރުގެ ފަރާތްތަކުން ވަރަށް ބޮޑު އެއްބާރުލުމެއް ދެއްވަމުން ގެންދަވާ. މިކަމަކީ އަޅުގަނޑުމެންނަށް ލިބޭ ވަރަށް ބޮޑު ހިތްވަރެއް،"
ޚާރިޖީ ވަޒީރު ވިދާޅުވިއެވެ.
އަދި ޓެކުހުގެ ނިޒާމަށް ގެންނަ ބަދަލުތަކާއި ސަރުކާރު ކުންފުނިތަކުގެ ޚަރަދު ކުޑަކުރުމުން ލިކުއިޑިޓީ އިތުރުވާނެ ކަމަށް އެ މަނިކުފާނު ފާހަގަކުރެއްވިއެވެ.
"މި ބަދަލުތަކަކީ ކުރު މުއްދަތެއްގައި އަޅުގަނޑުމެންގެ އިޤްތިޞާދަށް ވަރަށް ބޮޑު ކުރިއެރުމެއް ގެނެސްދޭނެ ކަންތައްތަކެއް. އަޅުގަނޑުމެން މިހާރު މިދަނީ މި ބަދަލުތައް ގެނައުމަށް މަސައްކަތްކުރަމުން،"
ވަޒީރު ވިދާޅުވިއެވެ.
ވަޒީރު މޫސާ ޒަމީރު އިތުރަށް ފާހަގަކުރެއްވި ގޮތުގައި، ޗައިނާއާއި އިންޑިއާއާއެކު ރާއްޖޭގެ ވަރަށް ގާތް ގުޅުމެއް އޮތެވެ. "މި ދެ ޤައުމަކީ އަޅުގަނޑުމެންގެ އިޤްތިޞާދަށް ވަރަށް މުހިންމު ދެ ބައިވެރިން. އަޅުގަނޑުމެން މި ދެ ޤައުމާއެކު އޮންނަ ގުޅުން އިތުރަށް ބަދަހިކުރުމަށް މަސައްކަތްކުރަމުން މިދަނީ،" ވަޒީރު ވިދާޅުވިއެވެ.
މޯލްޑިވްސް މަނިޓަރީ އޮތޯރިޓީ (އެމް.އެމް.އޭ)ގެ ތަފާސްހިސާބުތަކުން ދައްކާ ގޮތުގައި، ބޭނުންކުރެވޭ ރިޒާވް 61 މިލިއަން ޑޮލަރަށް އިތުރުވެފައިވެއެވެ. އަދި އޯގަސްޓް މަހު ރަސްމީ ރިޒާވް 36 އިންސައްތަ އިތުރުވެފައިވާކަން ފާހަގަކުރެވެއެވެ. "މި ތަފާސްހިސާބުތަކުން ދައްކާ ގޮތުގައި، އަޅުގަނޑުމެންގެ އިޤްތިޞާދީ ހާލަތު ރަނގަޅުވަމުން އަންނަކަން ވަރަށް ސާފުކޮށް އެނގޭ. މިއީ އަޅުގަނޑުމެންނަށް ލިބޭ ވަރަށް ބޮޑު ހިތްވަރެއް،" ވަޒީރު ވިދާޅުވިއެވެ.
ޚާރިޖީ ވަޒީރު ވިދާޅުވީ، ރާއްޖޭގެ އިޤްތިޞާދީ ހާލަތު ރަނގަޅުކުރުމަށް ސަރުކާރުން ގިނަގުނަ މަސައްކަތްތަކެއް ކުރަމުންދާ ކަމަށެވެ. "އަޅުގަނޑުމެން މިވަގުތު ކުރިމަތިލާންޖެހިފައިވާ އިޤްތިޞާދީ ގޮންޖެހުންތަކަކީ ވަގުތީ ކކަންތައްތަކެއް. ސަރުކާރުން އަޅަމުންދާ ފިޔަވަޅުތަކުގެ ސަބަބުން ކުރު މުއްދަތެއްގެ ތެރޭގައި މި ދަތިތަކުން އަރައިގަނެވޭނެ ކަމަށް އަޅުގަނޑު ޔަޤީންކުރަން،" ވަޒީރު ވިދާޅުވިއެވެ.
އިޤްތިޞާދީ މާހިރުން ފާހަގަކުރާ ގޮތުގައި، ރާއްޖޭގެ އިޤްތިޞާދު މިހާރު ދަނީ މަޑުމަޑުން ރަނގަޅުވަމުންނެވެ. ފަތުރުވެރިކަމުގެ ދާއިރާއިން ލިބޭ އާމްދަނީ އިތުރުވަމުން އައުމާއި، ބޭރުގެ އިންވެސްޓްމަންޓްތައް އިތުރުވަމުން އައުމަކީ މިކަމުގެ ހެއްކެކެވެ.
ސަރުކާރުން މިހާރު ވަނީ އިޤްތިޞާދު ރަނގަޅުކުރުމަށްޓަކައި ގިނަ ފިޔަވަޅުތަކެއް އަޅަން ފަށާފައެވެ. މީގެ ތެރޭގައި ޓެކްސް ނިޒާމަށް ބަދަލު ގެނައުމާއި، ސަރުކާރުގެ ޚަރަދުތައް ކުޑަކުރުމާއި، ބޭރުގެ އިންވެސްޓްމަންޓްތައް އިތުރުކުރުމަށް މަސައްކަތްކުރުން ހިމެނެއެވެ.
Advertisement
This content is created and paid for by advertisers and does not involve Voice Journalists
