އިނގިރޭސިވިލާތުގެ ބޮޑުވަޒީރު ކީރ ސްޓާމަރ އަދި އޭނާގެ ލޭބަރ ޕާޓީގެ މަޤްބޫލުކަން ވަރަށް ބޮޑަށް ދަށްވެއްޖެކަމަށް އިޕްސޮސް އިން ހެދި ފަހުގެ ސަރވޭއަކުން ދައްކައިފިއެވެ.

މިދިޔަ ޖުލައި މަހުަހު ބޭއްވުނު އާންމު އިންތިޚާބުގައި ބޮޑު ތަފާތަކުން އިންތިޚާބު ކާމިޔާބު ކުރުމަށްފަހު، މިހާރު ވޯޓުދޭ ފަރާތްތަކުގެ މެދުގައި ހިތްހަމަނުޖެހުން އިތުރުވަމުންދާކަން މި ސަރވޭއިން ހާމަވެއެވެ.

އިޕްސޮސްގެ ބަަޔާނެއްގައި ބުނެފައިވާ ގޮތުގައި، 55 އިންސައްތަ މީހުން ދެކޭގޮތުގައި ބްރިޓަންގެ ކަންކަން ދަނީ ރަނގަޅު ނޫން ދިމާލަކަށެވެ. މިއީ ލޭބަރ ޕާޓީ ވެރިކަމަށް އައުމުގެ ކުރިން ކޮންސަވޭޓިވް ޕާޓީގެ ދަށުން ރެކޯޑުކުރެވުނު އަދަދަށްވުރެ (62% ދަށް އަދަދެކެވެ. ނަމަވެސް ލޭބަރ ޕާޓީ ވެރިކަމަށް އައުމަށްފަހު ފުރަތަމަ ރެކޯޑުކުރެވުނު އަދަދަށްވުރެ (49% މަތީ އަދަދެކެވެ.

Advertisement

މި ސަރވޭގައި ބްރިޓަންގެ 18 އަހަރުން މަތީގެ 1،147 މީހުންނާ ސުވާލުކޮށްފައިވެއެވެ. މި އިންޓަވިއުތައް ކުރިއަށް ގެންގޮސްފައިވަނީ ސެޕްޓެމްބަރު 6 އިން 9 އަށެވެ.

އިޕްސޮސްގެ ޑިރެކްޓަރ އޮފް ޕޮލިޓިކްސް ކީރަން ޕެޑްލީ ވިދާޅުވީ، ލޭބަރ ޕާޓީ އަދިވެސް ކޮންސަވޭޓިވް ޕާޓީއަށްވުރެ މަޤްބޫލު ނަމަވެސް، އޯގަސްޓް މަހާ އަޅާބަލާއިރު މަޤްބޫލުކަން ދަށްވެފައިވާ މިންވަރަކީ ކަންބޮޑުވާންޖެހޭ ކަމެއް ކަމަށެވެ.

ނަމަވެސް ލޭބަރ ޕާޓީގެ މުސްތަޤްބަލް އެއްކޮށް އަނދިރިއެއް ނޫނެވެ. ސަރވޭއިން ދައްކާގޮތުގައި ކޮންސަވޭޓިވް ޕާޓީގެ މަޤްބޫލުކަން ކުޑަކޮށް އިތުރުވެފައިވީ ނަމަވެސް، އެ ޕާޓީގެ ރިކަވަރީ ވަރަށް ލަހެވެ.

މީގެ އިތުރުން، ސްޓާމަރގެ މަޤްބޫލުކަން އަދިވެސް ކޮންސަވޭޓިވް ޕާޓީގެ ލީޑަރޝިޕް ކޮންޓެސްޓުގައި ބައިވެރިވާ ހުރިހާ ކެންޑިޑޭޓުންނަށްވުރެ މައްޗެވެ.

ކުރިއަށް އޮތް އާންމު އިންތިޚާބަށް އަދިވެސް އަހަރުތަކެއް އޮތުމާއެކު، ލޭބަރ ޕާޓީއަށް ގެއްލިފައިވާ ތާއީދު އަލުން ހޯދުމަށް ވަގުތު އެބައޮތެވެ.

އިޕްސޮސް (Ipsos) އަކީ 1975 ވަނަ އަހަރު ފްރާންސްގައި އުފެދުނު، ދުނިޔޭގެ އެންމެ ބޮޑެތި މާކެޓް ރިސަރޗް އަދި ކޮންސަލްޓިންގ ކުންފުނިތަކުގެ ތެރެއިން އެއް ކުންފުންޏެވެ. މި ކުންފުނީގެ މައިގަނޑު މަސައްކަތްތަކުގެ ތެރޭގައި ޢާންމު ރައްޔިތުންގެ ޚިޔާލު ހޯދުމުގެ ސަރވޭތައް ހެދުމާއި، މާކެޓް ރިސަރޗް ހެދުމާއި، މީޑިއާ އަދި އިޝްތިހާރުތަކުގެ ދިރާސާތައް ކުރުމާއި، ސިޔާސީ ޕާޓީތަކާއި ސަރުކާރުތަކަށް ބޭނުންވާ ދިރާސާތައް ކުރުމާއި، ސޯޝަލް ރިސަރޗް ހެދުން ހިމެނެއެވެ.

އިޕްސޮސްގެ ސަރވޭތަކާއި ދިރާސާތަކަކީ ސިޔާސީ، އިޖްތިމާޢީ އަދި އިޤްތިޞާދީ ދާއިރާތަކުގައި ނިންމުންތައް ނިންމުމަށް ބޭނުންކުރާ މުހިންމު ވަސީލަތްތަކެއް ކަމުގައިވާއިރު، މި ކުންފުނީގެ ޚިދުމަތްތައް ދުނިޔޭގެ ގިނަ ޤައުމުތަކެއްގައި ލިބެން ހުރެއެވެ.