އިރުމަތީ ޔޫރަޕުގެ ގައުމުތަކަށް މިހާރު ކުރަމުންދާ ވިއްސާރާގައި ބޯކޮށް ވާރޭވެހި ފެންބޮޑުވުމުގެ ސަބަބުން 8 މީހަކު މަރުވެފައިވާކަމަށް މީޑިއާތަކުން ރިޕޯޓްކޮށްފިއެވެ.

އަލްޖަޒީރާއިން ބުނީ ތޫފާން ބޮރިސްގެ ސަބަބުން ކުރަމުންދާ ވިއްސާރައިގައި މެދުތެރެއާއި އިރުމަތީ ޔޫރަޕުގެ އެކި ސަރަހައްދުތަކަށް ބޮޑެތި ގެއްލުންތަކެއް ލިބެމުންދާކަމަށެވެ. މިގޮތުން ފެންބޮޑުވުމުގެ ސަބަބުން ކުރިމަތިވި ހާދިސާތަކުގެ ތެރެއިން، އޮސްޓްރިއާގައި ފެންބޮޑުވެ މީހުން ސަލާމަތްކުރުމުގެ މަސައްކަތުގައި ހަރަކާތްތެރިވި ފަޔާރ ފައިޓަރެއްވެސް ވަނީ މަރުވެފައެވެ. 

ތޫފާނުގެ ސަބަބުން އެންމެ ބޮޑަށް ގެއްލުން ލިބިފައިވަނީ ޗެކްރިޕަބްލިކް އަދި ޕޮލެންޑަށެވެ. މީގެ އިތުރުން އޮސްޓްރިއާ އަދި ރުމޭނިއާއަށް ވެސްވަނީ ގެއްލުން ލިބިފައެވެ.

Advertisement

ޕޮލެންޑުގެ ބައެއް ސަރަޙައްދުތަކުގައި ފެން ބޮޑުވުމާ ގުޅިގެން، އެ ގައުމުގެ ބޮޑުވަޒީރު ޑޮނަލްޑް ޓަސްކް ވަނީ ގުދުރަތީ ކާރިސާގެ ހާލަތު އިއްޔެ އިއުލާނުކުރައްވާފައެވެ.