އައްޑޫ ސިޓީ ލިންކު ރޯޑުގައި ހިނގި ނުރައްކާތެރި އެކްސިޑެންޓެއްގައި މީހަކު ނިޔާވި މައްސަލަާގައި ވޭން ދުއްވަން އިން މީހާގެ މައްޗަށް ކުށް ސާބިތު ނުވެ އޭނާ ސަލާމަތްވެއްޖެ އެވެ.
2019 ވަނަ އަހަރުގެ ކުރީކޮޅު އައްޑޫ ހިތަދޫ ކުނިކޮށި ސަރަހައްދުން ސައިކަލަކާއި ވޭނެއް ޖެހި ހިނގި އެކްސިޑެންޓްގައި، ވެމްކޯގެ އައްޑޫ ބްރާންޗުގެ މުވައްޒަފަކު ވަނީ ނިޔާވެފައެވެ.
އެގޮތުން މި އެކްސިޑެންޓް އެކްސިޑެންޓް ހިނގާފައިވަނީ ކުނިކޮށި ސަރަހައްދުގައި ހުންނަ ވެމްކޯ އޮފީހަށް، ނިޔާވި މުވައްޒަފު ސައިކަލުގައި ވަންނަން އުޅެނިކޮށް ފޭދޫ މެޑިސިޓީގެ ވޭނަކުން ސައިކަލުގައި ޖެހިގެންނެވެ.
އެ މައްސަލަ އާއި ގުޅިގެން ވޭން ދުއްވަން އިން މީހާގެ މައްޗަށް ދައުލަތުން ދެ ދައުވާއެއް އުފުލިއެވެ. މީހަކު މަރުވެދިޔުމުގެ ފަރުވާ ކުޑަ އަމަލެއް ކުރުމުގެ ކުށުގެ ދައުވާ އެވެ. އެ މީހާގެ މައްޗަށް އުފުލި އަނެއް ދައުވާއަކީ، އަނިޔާއެއް ދިނުމުގެ ދައުވާ އެވެ.
މި ދެ ދައުވާއިންވެސް އޭނާ ވަނީ ސަލާމަތްވެފަ އެވެ.
އެގޮތުން މައްސަލާގައި ފޭދޫ ކޯޓުގެ އިސް މެޖިސްޓްރޭޓް މުހައްމަދު އަފީފް، ކުރި ހުކުމުގައި ވާގޮތުން ދެ ދައުވާވެސް ވޭން ދުއްވި މީހާގެ މައްޗަށް ސާބިތުވާވަރަށް ހެއްކެއް ނެތެވެ.
Advertisement
This content is created and paid for by advertisers and does not involve Voice Journalists
