ޗައިނާގެ ޝެންޒެން ސިޓީގައި ހުންނަ ޖަޕާނުގެ ސްކޫލެއްގައި ކިޔަވަމުން ދިޔަ އުމުރުން 10 އަހަރުގެ ފިރިހެން ކުއްޖަކަށް 44 އަހަރުގެ ފިރިހެނަކު ވަޅިން ހަމަލާދީ މަރާލާފައިވާކަމަށް ކަމަށް ދެ ގައުމުގެ އޮފިޝަލުން ބުނެފި އެވެ.

ޖަޕާނުގެ ޚާރިޖީ ވަޒީރު ޔޯކޯ ކަމިކަވާ ވިދާޅުވީ ބުދަ ދުވަހުގެ ހެނދުނު ޝެންޒެން ޖަޕާން ސްކޫލްގެ ގޭޓުން ގާތްގަނޑަކަށް 200 މީޓަރު (220 ޔާޑު) ދުރުން ހަމަލާދިން ކުއްޖާ މަރުވެފައިވަނީ ބުރާސްފަތި މިއަދު ކަމަށެވެ.

ޗައިނާގެ ޚާރިޖީ ވުޒާރާގެ ތަރުޖަމާނު ލިން ޖިއާން ވިދާޅުވީ އެ ކުއްޖާގެ ބައްޕައަކީ ޖަޕާނުގެ ރައްޔިތެއް ކަމަށާއި އޭނާގެ މަންމައަކީ ޗައިނާގެ ރައްޔިތެއް ކަމަށެވެ.

ބުރާސްފަތި ދުވަހު ބޭއްވި ނިއުސް ބްރީފިންއެއްގައި އޭނާ ވިދާޅުވީ އެ ހަމަލާއަކީ "ވަކި" މައްސަލައެއް ކަމަށާއި "ޗައިނާ އާއި ޖަޕާނުން މި މައްސަލައާ ގުޅޭ ގޮތުން މުއާމަލާތް ކުރަމުން އަންނަ" ކަމަށެވެ.
"އަޅުގަނޑު ވަރަށް ސީރިއަސްކޮށް މި ކަން ނަގަނީ،" ކަމީކާވާ ވިދާޅުވި އެވެ. "މިއީ އެއްވެސް ގައުމެއްގައި ކޮށްގެންވާނެ ކަމެއް ނޫން. ވަކިން ޚާއްޞަކޮށް، އަޅުގަނޑު ވަރަށް ބޮޑަށް ހިތާމަކުރަން، މި ޢަމަލަކީ، ސްކޫލަށް ދިޔަ މަގުމަތީގައި ކުއްޖަކާ މެދު ހިންގި އަމަލެއް ކަމަށް ވާތީ."

އަދި ހަގީގަތް ތަފްސީލުކޮށް ދިނުމަށް ޖަޕާނުން ޗައިނާއަށް އަންގާފައިވާ ކަމަށް އެކަމަނާ ވިދާޅުވި އެވެ.

ލިން މީގެ ކުރިން ވިދާޅުވީ ހަމަލާދިން ކަމަށް ޝައްކު ކުރެވޭ މީހާ ހައްޔަރުކޮށްފައިވާ ކަމަށެވެ.

އަދި 1931 ވަނަ އަހަރު ޗައިނާ އާއި ޖަޕާނާ ދެމެދު ހަނގުރާމައެއް ފެށުނު ހާދިސާއަށް އަހަރީ ދުވަސް ފުރުމާ ދިމާކޮށް ރައްކާތެރިކަން އިތުރުކުރުމަށް އެދުނު ނަމަވެސް އެ ދަރިވަރު މަރުވުމަކީ ވަރަށް ހިތާމަހުރި ކަމެއް ކަމަށް ވެސް ކަމީކާވާ ވިދާޅުވި އެވެ.