ލަންކާގެ އިންތިޚާބީ ރައީސް އަނުރާ ކުމާރާ ދިސާނާޔަކަށް ކުރީގެ ރައީސް އިބްރާހީމް މުޙައްމަދު ޞާލިހް މަރުޙަބާ ދަންނަވައިފިއެވެ.

ރައީސް ޞާލިހް މި މަރުޙަބާ ދެންނެވީ އެކްސް މެދުވެރިކޮށް ކުރެއްވި ޕޯސްޓެއްގައެވެ.

ރައީސް ޞާލިހްގެ ޕޯސްޓުގައި ވަނީ، އަނޫރާގެ ރައީސް ކަމުގައި ދިވެހިރާއްޖެއާއި ލަންކާއާ ދެމެދު އޮތް ދުވަސްވީ ރަނގަޅު ގުޅުން ދެމިގެންދާނެ ކަމާމެދު ޔަގީންކުރައްވާ ކަމަށް ވިދާޅުވެފައެވެ. 

Advertisement

ލަންކާގައި އިއްޔެ އޮތް ރިޔާސީ އިންތީޚާބުގައި ވޯޓުލާ ނިމި ވޯޓު ގުނުމުގެ މަސައްކަތް ފެށިފައިވާއިރު، އިންތިޚާބުގައި ވާދަކުރައްވާ ނުފޫޒުގަދަ ސިޔާސީ ވަރުގަދަ ލީޑަރުން ބަލިކޮށް ކުޑަ ޕާޓީއަކުން ކުރިމަތިލައިފައިވާ އަނޫރާ ކުމާރަ ޑިސެނަޔަކަށް ކާމިޔާބީ ލިބުފައިވާ ކަން މިހާރު ވަނީ ދާދި ޔަގީން ވެފައެވެ. 

އެގޮތުން، ޑިސެނަކަށް 52 ޕަސެންޓް ވަނީ ލިބިވަޑައިގެންފައިވާއިރު، ރަނިލްއަށް 16.4 ޕަސެންޓް، ސަޖިތަށް 23.86 ޕަސެންޓް އަދި ނަމާލްއަށް 2.94 ޕަސެންޓް ވަނީ ލިބިފައެވެ.

އިންތިޚާބުގެ ވޯޓުލުން ކުރިއަށް ދިޔައީ ހޮނިހިރު ދުވަހު ހެނދުނު 7 ން ހަވީރު 4 އަށެވެ. މުޅި ޤައުމުގެ 13,400 އަށްވުރެ ގިނަ ވޯޓުލާ މަރުކަޒުތަކެއްގައި ވޯޓުލުން ކުރިއަށް ދިޔައިރު ވޯޓުލާފައިވަނީ 70 އިންސައްތަ މީހުންނެވެ.