އައްޑޫސިޓީ މަރަދޫ އެތުމާގޭގައި ހުރި ގުދަނަކާއި އެގުދަނާއި އިންވެގެން ހުރި ހަޓެއްގައި މިއަދު އަލިފާން ރޯވެ އަނދައި ހުލިވެއްޖެއެވެ.

މިހާދިސާ ހިނގާފައިވަނީ ފަތިހު 05:30 ހާއިރު ކަރަންޓު އައި ވަގުތު ކަމަށް އެސަރަހައްދުން މައުލޫމާތު ލިބެއެވެ.

އެމްއެންޑީއެފުން ބުނީ އަލިފާން ރޯވީ އައްޑޫ ސިޓީ މަރަދޫގައި ހުންނަ، އެތުމާގޭގައި ވިޔަފާރިކުރުމަށް ހަދާފައިވާ ގާޑިޔަލެއްގެ އިތުރުން އެއާ އިންވެގެން ހުރި ގުދަނެއްގައި ކަމަށެވެ. މި ހާދިސާގައި އެއްވެސް މީހަކަށް އަނިޔާއެއް ވިކަމުގެ ރިޕޯޓު ލިބިފައި ނުވާކަމަށް އެމްއެންޑީއެފުން ބުނެ އެވެ.

އަލިފާން ނިއްވާލެވުނީ މިއަދު 06:45 ހާއިރުކަމަށްވެސް އެމްއެންޑީއެފުން ވަނީ ބުނެފައެވެ.