ހައްދުފަހަނަ އަޅާފައިވާ އިސްރާއީލުން ލުބްނާނަށް އިއްޔެ ދިން ހަމަލާތަކުގައި ޝަހީދުކޮށްލި މީހުންގެ އަދަދު 490 އަށް ވުރެ މައްޗަށް އަރައިފާވާކަމަށް ލުބުނާނުގެ ހެލްތް މިނިސްޓްރީ އިން ބުނެފިއެވެ.

ހެލްތް މިނިސްޓްރީ އިން ބުނެފައިވަނީ ޝަހީދުކޮށްލި މީހުންގެ އަދަދު 491 އަށް އަރާފައިވާކަމަށް ށެވެ. މީގެ ތެރޭގައި 35 ކުޑަކުދިންނާއި 58 އަންހެނުން ހިމެނޭކަމަށް ވެސް ވަނީބުނެފައެވެ.

ނިރުބަވެރިން ވަނީ ލުބްނާންގެ އިރުމައްޗާއި ދެކުނުގެ އެކި ސަރަހައްދުތަކަށް ހަމަލާތައް ދީފައެވެ. އަދި ރޭވެސް އިތުރު ތަންތަނަށް ހަމަލާތައް ދޭނެ ކަމުގެ އިންޒާރުވެސް ދީފައި ވެއެވެ.

އިސްރާއީލުގެ އަސްކަރިއްޔާއިން ބުނީ ފާއިތުވި 24 ގަޑިއިރުގެ ތެރޭގައި ލުބުނާނުގެ ދެކުނު އަދި އިރުމަތީ ސަރަހައްދުން 1،400 އަށް ވުރެ ގިނަ ބާވަތުގެ ހަތިޔާރާއެކު 1،100 އަށްވެރެގިނަ އަމާޒަކަށް ހަމަލާދީފައިވާ ކަމަށެވެ.

އިސްރާއީލުގެ ހަނގުރާމަމަތީ މަތިންދާ ބޯޓުތަކާއި ޑްރޯންތަކުން ގާތްގަނޑަކަށް 650 ވަރަކަށް ހަމަލާ ދީފައި ވާއިރު، އެ ހަމަލާތައް އަމާޒުކޮށްފައިވަނީ އިމާރާތްތަކާއި ވެހިކަލްތަކާއި އުމްރާނީ ވަސީލަތްތަކަށް ކަމަށް ބުނެފައިވެއެވެ.

މީޑިއާތަކުގައި ލުބުނާނުގެ އެންބިއުލޭސް ގައި ހަރަކާތްތެރިވާ ބަޔަކަށް ހަމަލާދީ، އެންބިއެލޭންސްގައި ރޯވެފައިވާ މަންޒަރުފެންނަ ވީޑިއޯ އަދި ފޮޓޯތައްދަނީ ދައުރުވަމުންނެވެ.

ހިޒްބުﷲއިން ހަތިޔާރު ގެންގުޅޭ ތަންތަނަށް ހަމަލާ ދޭނެ ކަމަށް އިސްރާއިލުން ބުނެފައި ވާއިރު މި ތަންތަން ކައިރިން މީހުން ހުސް ކުރަންވެސް އިންޒާރު ވަނީ ދީފައި ވެއެވެ.

މިދިޔަ ހަފްތާ ހިޒްބުﷲގެ ހަނގުރާމަވެރިން ބޭނުންކުރާ އެތައް ހާސް މުވާސަލާތީ ވަސީލަތްތައް ލުބުނާނުގެ އެކި ސަރަހައްދުތަކުގައި ގޮވައި 39 މީހުން މަރުވެ، ގާތްގަނޑަކަށް 3،000 މީހުން ޒަހަމްވެފައިވެ އެވެ.

މި ހަމަލާތަކާއި ގުޅިގެން ލުބްނާންގެ ހިޒްބުﷲ ޖަމާއަތުން ވެސް ދަނީ އިސްރާއީލުގެ އެކި އަމާޒުތަކަށް ރޮކެޓް އަދި ޑްރޯން ހަމަލާތައް ފޮނުވަމުންނެވެ.

އިސްރާއީލުން ބުނީ އިއްޔެ އެކަނި ލުބްނާނަނުން އިސްރާއީލަށް 1200 އަށް ވުރެ ގިނަ ހަމަލާ ދީފައިވާ ކަމަށެވެ.